بھٹکل:21/جون (ایس اؤنیوز)شہر میں دن بدن ٹرافک اصولوں کی خلاف ورزی کرتے ہوئے چلنے والی سواریوں سے حادثات میں اضافہ ہورہا ہے، اس کی روک تھام کے لئے بھٹکل میں ٹرافک پولس تھانے کے قیام کا مطالبہ لے کر جئے کرناٹکا بھٹکل شاخ کے ممبران نے اسسٹنٹ کمشنر کے توسط سے ریاستی حکومت کو میمورنڈم سونپا۔

بھٹکل شہر میں روزانہ بائک سمیت دیگر ہزاروں سواریوں کی سڑک پر نقل وحمل ہوتی رہتی ہے،تیز رفتار سواریاں ٹرافک اصولوں سے جانکاری نہیں ہونے سے جدھر جگہ ملی ادھر گھس جاتی ہیں جس کے نتیجےمیں نقصانات ہورہے ہیں، ہر دن ہلاکتوں ،زخموں اور نقصانا ت میں اضافہ دیکھا جاسکتاہے، شہر میں بھاگ دوڑ کرنے والی گاڑیوں کے پیش نظر ان کو حد میں رکھنے کے لئے ٹرافک پولس تھانے کا قیام ضروری ہے۔ ریاستی حکومت انسانی جانوں کے نقصان کو دیکھتے ہوئے فوری طورپر ضروری اقدامات کرنےکا میمورنڈم میں مطالبہ کیا گیا ہے۔ اس موقع پر سنگھ کے صدر سدھارکر نائک، چندرشیکھر نائک، پانڈورنگا نائک، وویک نائک، سریش موگیر، ترومل نائک وغیرہ موجود تھے۔