سی پی آئی ایم کی آئیکتا ریلی ہر حال میں کامیاب ہوگی ؛ بھٹکل میں سی پی آئی (ایم) ضلعی سکریٹری شانتارام نایک کا بیان
بھٹکل:24/فروری (ایس او نیوز) سی پی آئی ایم کے اترکنڑا ضلعی سکریٹری شانتا رام نایک نے پریس کانفرنس میں خطاب کرتے ہوئے کہاکہ کل 25فروری کو منگلورو میں سی پی آئی ایم کے زیراہتمام آئیکتا ریلی (اتحاد، یک جہتی ریلی ) میں ہرحال میں کیرلا کے وزیراعلیٰ پنرائی وجین کلیدی خطاب کریں گے، کوئی ہنگامہ نہیں ہوگا، ہم کسی کی بھی پرواہ نہیں کریں گے ہماری ریلی سوفی صد کامیاب ہوگی۔
انہوں نے میڈیا سے خطاب کرتے ہوئے کہاکہ ملک کو جمہوری اور دستوری سطح پرکئی خطرات کاسامنا ہے۔ مرکز میں برسر اقتدار مودی قیادت کی این ڈے اے حکومت ملک کے سکیولر قوتوں ، ملکی دستور کو تحفظ فراہم کرنے والوں اور عورتوں کی آزادی سمیت کسان، مزدور، اقلیت وغیرہ پر لگاتار حملہ کررہے ہیں، ان کے حقوق کو چھیننے کی کوشش کررہے ہیں، ان حالات میں سی پی آئی ساحلی اضلاع دکشن کنڑا، اترکنڑا اور اُڈپی اضلاع پر مشتمل ایک بھائی چارگی اور یک جہتی کا پیغام دینے کے لئے ریلی کا اہتمام کیا ہے۔سنگھ پریوار مجوزہ ریلی کی مخالفت میں کئی کارستانیوں کو انجام دے رہاہے، اُلا ل میں ہماری دفتر کو آگ لگانا ہو، مخالف ریلی منعقد کرکے بہت ہی برے الفاظ کا استعمال کرتے ہوئے کیرلا کے وزیراعلیٰ کی ہتک کرنا ہو یہ سب ہندو دھرم کی سنسکرتی نہیں ہے بلکہ یہ غنڈہ سنسکرتی ہے۔ یہ آرایس ایس، وشوہندو پریشد، بجرنگ دل کی غنڈہ سنسکرتی ہے، جب کہ ہمیں معلوم ہے کہ ہندودھرم شانتی کا پیغام دیتاہے۔ امن وشانتی کا پیغام دینے والی ریلی کی مخالفت کرتے ہوئے امن والے شہر میں آگ لگانے کا کام کررہے ہیں، کئی معصوموں نوجوانوں کی ہلاکت کا یہی لوگ اہم سبب بنے ہیں، یہ لوگ غذا، لباس ، تہوار اور عیدوں کو بھی فرقہ وارانہ رنگ میں رنگنے کی کوشش کررہے ہیں، ان کی اسی ذہنیت کی مخالفت کرتے ہوئے سی پی آئی ایم آئیکتا ریلی کا اہتمام کی ہے ، اقلیتوں، دلتوں سمیت تمام عوام سے اپیل کرتے ہیں کہ وہ اس ریلی میں شریک ہوکر کامیاب بنائیں۔ اشتہار کے لئے لگائے گئے بیانر، فلکس کوپھاڑکر قدموں سے روندڈالا ہے، بہت ہی اوچھی غنڈہ گردی کررہے ہیں جس سے ثابت ہوتاہے کہ انہیں دستور اور جمہوری نظام پر ذرہ برابر بھی اعتماد نہیں ہے۔ ہندوستان کا دستور اپنے تمام شہریوں کو ہر طرح کی آزادی اور حقوق دیتاہے اس کی پرواہ نہ کرتے ہوئے اس طرح کی غنڈہ گردی کرنے کی ہماری پارٹی کڑی مذمت کرتی ہے۔