بھٹکل:18/اگست (ایس اؤنیوز) کانگریس پارٹی کی طر ف سے بھٹکل اور کمٹہ ودھان سبھا حلقہ کے لئے نگراں کار کے طورپر نامزد ڈاکٹر نندنی نے بھٹکل تعلقہ پارٹی کے مختلف لیڈران اور پارٹی کارکنا ن کے گھر وں تک پہنچ کر ان سے ملاقات کیں۔

جالی پنچایت کے مختلف وارڈوں اور تعلقہ کے کئی علاقوں کا دورہ کرتے ہوئے ڈاکٹر نندنی نے پارٹی لیڈران، کارکنان کے ساتھ گفتگو کرتے ہوئے  آئندہ ہونے والے ودھان سبھا انتخابات کے پیش نظر پارٹی استحکام کے متعلق غوروفکر کیا۔ اس موقع پر بات کرتے ہوئے انہوں نے لیڈران اور کارکنان سے کہاکہ کانگریس پارٹی کو مضبوط و مستحکم کرنےکے لئے تنظیمی طورپر بہتر کام کرنا ہوگا اور اس طرح ریاست میں کانگریس کو دوبارہ اقتدار پر لانےکی اپیل کی۔ نگراں کار ڈاکٹر نندنی کے ساتھ ضلع پنچایت صدر جئے شری موگیر، بلاک کانگریس صدر وٹھل نائک، ضلع پنچایت ممبر سندھو بھاسکر نائک، جالی پنچایت ممبران شمیم بانو، ریشماسردار، کائی کنی گرام پنچایت کے سابق صدر بھاسکر نائک وغیرہ موجود تھے۔