بھٹکل:16؍فروری (ایس او نیوز) جموں کشمیر کے پلوامہ میں جمعرات کو دہشت گردانہ حملہ میں شہید ہوئے بھارتی فوج کے بہادر سپاہیوں کو بھٹکل کانگریس پارٹی کی جانب سے شردھانجلی دی گئی ۔
جمعہ کو سابق رکن اسمبلی منکال وئیدیا کے گھر میں جمع ہوئے کانگریس لیڈران اور کارکنان شہید فوجی نوجوانوں کی تصاویر کے سامنے دیا جلا کر پھول مالا پہنائی۔ اس موقع پر سابق رکن اسمبلی منکال وئیدیا، ضلع پنچایت ممبر پشپا نائک، سندھو بھاسکرنائک، تعلقہ پنچایت نائب صدر رادھا اشوک وئیدیا، اے پی ایم سی صدر گوپال نائک، تعلقہ پنچایت ممبر وشنو دیواڑیگا، عبدالرحیم شیخ، وٹھل نائک، سنتوش نائک، مہابلیشورنائک، دیوی داس آچاری، جالی پنچایت ممبران سمیت کئی لیڈران اور کارکنان شریک تھے۔