بھٹکل:17/اپریل (ایس او نیوز)شہر علاقوں میں بوتھ لیول گھر گھر جا کر کانگریس امیدوار منکال وئیدیا نے انتخابی تشہیری مہم کا آغاز کرتے ہوئے آسارکیری، منکولی ، وی وی روڈ سمیت مختلف وارڈوں میں کانگریس کارکنان سے ملاقات کرتے ہوئے پھر ایک بار ووٹ دینے کی اپیل کی۔

اس موقع پر کانگریسی کارکنا ن سے خطاب کرتے ہوئے منکال وئیدیا نے کہاکہ گذشتہ مرتبہ آزاد امیدوار کے طورپر منتخب ہونے کے بعد حلقہ کی ترقی کے لئے رات دن کام کیاہوں ۔ میری میعاد میں پارٹی اور دھرم کی تفریق نہ کرتے ہوئے ہر ایک کا کام کیا ہوں۔ ترقی کے معاملے میں کوئی کسر نہیں چھوڑی ، مجھے اعتماد ہے کہ عوام اس مرتبہ مجھے اکثریت کے ساتھ جیت دلائیں گے۔ اس مرتبہ کی جیت کے بعد حلقہ کے تمام بقیہ کاموں کو پورا کرنے کا وعدہ کیا۔

بلاک کانگریس صدر وٹھل نائک نے منکال وئیدیا کی تعریفوں کے پل باندھتے ہوئے کہاکہ بھٹکل کی تاریخ میں ہزاروں کروڑ روپیوں کے ترقی جات کاموں کو منظوری لے کر منکال وئیدیا ایک حقیقی عوامی نمائندے کے طورپر ابھرے ہیں۔ ہمیں ایسے نمائندو ں کو اپنا قیمتی ووٹ دے کر لیڈسے جیت دلانےکی اپیل کی۔ اس موقع پر ضلع پنچایت صدر جئے شری موگیر، ضلع پنچایت ممبران سندھو بھاسکر نائک، تعلقہ پنچایت صدر ایشور بلیا نائک، نائب صدر رادھا اشوک وئیدیا، ممبر جئے لکشمی گونڈ، شرالی گرام پنچایت صدر وینکٹیش نائک، لیڈران وینکٹیش نائک، سدھاکر نائک وغیرہ موجود تھے۔