جدہ میں بھٹکل مسلم کمیونٹی کا خوبصورت گیٹ ٹو گیدر؛ اسحاق شاہ بندری کی خدمات کے اعتراف میں کی گئی تہنیت

Source: S.O. News Service | By I.G. Bhatkali | Published on 15th April 2017, 3:16 PM | خلیجی خبریں |

جدہ 15/اپریل (ایس او نیوز) یہاں جدہ کے رحمانیہ عائلہ استراح میں مورخہ 13/ اپریل کو جدہ میں مقیم بھٹکل کمیونٹی کا ایک گیٹ ٹوگیدر پروگرام منعقد ہوا جس میں مختلف تفریحی پروگرام کے ساتھ ساتھ جدہ جماعت کے سابق سرپرست جناب اسحاق شاہ بندری کی خدمات کے اعتراف میں اُن کی تہنیت کی گئی اور سپاس نامہ پیش کیا گیا۔

پروگرام رات ٹھیک آٹھ بجے مولوی عفان اُدیاور کی تلاوت کلام پاک سے شروع ہوا۔ جماعت کے صدر نعمان علی اکبرا نے پروگرام کی صدارت کی، پروگرام کی کنوینرشپ شکیل سعدا نے کی تھی جبکہ جناب عبدالسلام دامدا ابو نے پروگرام کو ترتیب دیا تھا۔

جلسے کی نظامت جدہ جماعت کے سرپرست جناب زاہد رکن الدین نے کی، جلسہ میں حاضر ممبران اور مہمانوں کااستقبال سکریڑی حبیب اللہ محتشم نے کیا، اس گیٹ ٹو گیدر میں نائطی شاعر ادیب و صحافی مرحوم جناب سید عبدالرحیم ارشاد کو خراج عقیدت پیش کیا گیا.اور  انکی سدا بہار لکھی ہوئی نظموں کو مختلف گلوکاروں نے بہت ہی خوبصورت  انداز میں پیش کرتے ہوئے سامعین سے خوب داد حاصل کی۔ گلوکاروں میں اسامہ منیری،طحہ شابندری ،عمران آدم  اور جبلین نائطے کی حاضرین نے خوب داد و تحسین کی، مرحوم محمد علی پرواز کی رحلت پر انکی یاد میں انکا ہی کلام  زرا پلا تمی چڑواں ہاری منکی کے شاعر خورشید ساوڑا نے انہی کے انداز میں پڑھکر سنایا ۔

موجے بابا دبئ وچے ناہی کھیکا ہیتام عسکری نے  پڑھکر سنایا اور سامعین نے انکا انداز دیکھکر بہت ہی لطف اٹھایا اور داد سے نوازا. جلسے میں جدہ جماعت کےسابق سر پرست جناب اسحاق شاہ بندری کے جماعت میں 27 سالوں تک خدمات انجام دینے کے بعد ابمستقل طور پر وطن لوٹنے اور بھٹکل میں انجمن حامئی مسلمین میں  ایڈیشنل جنرل سکریڑی کے طور پر خدمات انجام دینے پران کی خدمات کا اعتراف کیا گیا۔ اور ان کے کاموں کو سراہتے ہوئے اُن کی تہنیت کی گئی۔ اس موقع پر جماعت کی جانب سے جنرل سکریٹری عُبیداللہ عسکری نے سپاس نامہ پڑھ کر سنایا اسی طرح  ان کی تعلیم سے لے کر جدہ کی 27 سالہ زندگی پر لکھی ہوئی تحریرجماعت کے سرگرم رُکن اور سابق صدر جناب زاہد رکن الدین نے پڑھ کر سنایا۔  فضل الرحمن منیری کی دعائیہ کلمات کے ساتھ پروگرام اختتام پزیر ہوا.

ممبروں کی تفریح اور دلچسپی کے لئے بی سی جدہ کےاسپورٹس سکریڑی ریحان کوبٹے نے والی بال کھیل کا اہتمام کیا تھا۔

ایک نظر اس پر بھی

مسقط عمان میں پیر کو منائی جائے گی عیدالفطر؛ اسی رات ہوگی بھٹکل مسلم جماعت مسقط کی عید ملن پارٹی

 مسقط کی وزارت مذہبی اُمور کی طرف سے خبر دی گئی ہے کہ عمان میں چاند کہیں پر بھی نظر نہیں آیا ہے، اس لئے اس بار پورے 30 روزے رکھے جائیں گے، میڈیا رپورٹس کے مطابق  عمان میں پیر کو عیدالفطر منائی جائے گی۔

عیدالفطر کی رات کو ہوگی مسقط میں بھٹکل مسلم جماعت کی عید ملن تقریب؛ بچوں کےہوں گے رنگا رنگ اور دلچسپ پروگرام

بھٹکل مسلم جماعت مسقط کی جانب سے گذشتہ سالوں کی طرح امسال بھی شاندار عید ملن تقریب کا انعقاد کیا گیا ہے جس میں بچوں کے رنگا پروگرام ہوں گے۔ عیدملن کی یہ خوبصورت تقریب عیدالفطر کی رات یعنی یکم شوال کو بعد نماز عشاء رامی  ڈریم ریسارٹ، سیب میں رکھی گئی ہے۔

سیاسی بحران کی وجہ نہ تو ایران ہے اور نہ ہی الجزیرہ: قطرکے وزیر خارجہ کا بیان

قطر کے وزیر خارجہ شیخ محمد بن عبدالرحمان الثانی کا کہنا ہے کہ حالیہ سفارتی بحران کی اصل وجوہات کے بارے میں علم نہیں ہے لیکن اتنا معلوم ہے کہ بحران کی وجہ 'نہ تو ایران ہے اور نہ ہی الجزیرہ۔پیرس میں پریس کانفرنس سے خطاب کے دوران انھوں نے کہا کہ قطر مذاکرات کے لیے تیار ہے اور خلیج ...

دبئی ایئرپورٹ: اسمارٹ فون آپ کے پاسپورٹ کا متبادل !

متحدہ عرب امارات بالخصوص دبئی اپنے ہوائی اڈوں پر مزید سہولتیں فراہم کرنے اور اس میدان میں دستیاب جدید ترین ٹکنالوجی کو استعمال کرنے کے لیے کوشاں ہے۔ان شان دار "سہولتوں" کے سلسلے میں آخری کڑی پاسپورٹ اور ویزے سے بے نیاز ہو کر اسمارٹ فون کو متبادل کے طور پر استعمال کیا جانا ہے۔

تین خلیجی ممالک کا قطر کے ساتھ مشترکہ خاندانوں کی دیکھ بھال کا فیصلہ

سعودی عرب ، بحرین اور متحدہ عرب امارات کی جانب سے اتوار کی صبح جاری علاحدہ بیانات میں تینوں ممالک کے عوام اور قطری شہریوں پر مشتمل مشترکہ خاندانوں کی انسانی صورت حال کا خیال رکھنے کی ہدایات دی گئی ہیں۔اس سلسلے میں ایک سعودی ذمے دار نے اپنے بیان میں کہا مملکتِ سعودی عرب برادر ...

موجودہ بحران پورے خلیج کو اپنی لپیٹ میں لے سکتا ہے:قطر دوحہ کی طرف منسوب دہشت گرد گروپوں کی فہرست مسترد

قطری وزیرخارجہ محمد بن عبدالرحمان آل ثانی نے کہا ہے کہ ان کا ملک خلیجی ریاستوں کے ساتھ پیدا ہونے والے سفارتی بحران کے جلد حل کا خواہاں ہے۔ ان کا کہنا ہے کہ قطر اور دوسرے ملکوں کے درمیان کشیدگی ختم نہ ہوئی تو تمام خلیجی ریاستیں اور اقوام اس کی لپیٹ میں آسکتی ہیں۔ قطری وزیر خارجہ ...