بھٹکل میں ساحلی دستے اور پولس کی جانب سے نمائشی کاروائی کامیاب؛ نقلی بم سمیت تین لوگوں کو پکڑنے میں پولس کامیاب
بھٹکل:22/ نومبر (ایس اؤنیوز) ساحلی محافظ دستہ کی جانب سے اہتمام کئے گئے ساگر کوچ نامی نمائشی کارروائی بھٹکل میں کامیاب ہوگئی اورساحلی محافظ دستے نے پولس کے تعائون سے تین لوگوں کو نمائشی بم کے ساتھ پکڑنے میں کامیابی حاصل کرلی ۔تعلقہ کے ماوین کوروے بندرگاہ پر منگلورو ساحلی تحفظ دستہ (ریڈ فورس) کے 4نمائشی بم کو ساحلی دستہ کے عملے اور بھٹکل دیہی پولس تھانہ پولس نے پتہ لگا یا اور ان نمائشی بموں کو اپنی تحویل میں لے لیا۔
منگلورو سے مشینی بوٹ کے ذریعے سپلائی کئے جارہے نمائشی بموں کو منگل کی صبح 7بجے کے قریب دور سے ہی بینا کولر سے پتہ لگانے کے بعد بھٹکل ساحلی دستہ کا عملہ ماہی گیر بوٹوں کے توسط سے ان کو چاروں طرف سے گھیرلیا اور ان کی مشینی بوٹ کو ساحل پر لے آئے۔ ایس آئی ریوتی ، بھٹکل دیہی پولس تھانہ اے ایس آئی بورکر، عملہ ناگراج ، دیانند ، ناویک ملپا، روی کرن وغیرہ کارروائی میں شریک تھے۔نمائشی فرضی بم کو منگلورو ساحلی دستے کے گورو بھاردواج ، منجوناتھ ، بیرپا اور نلیش کمار اپنے ساتھ لے کر بھٹکل سپلائی کررہے تھے، جس کے دوران انہیں دھر لیا گیا۔ بعد میں ضلعی انتظامیہ کی طرف سے جاری کئے گئے دستاویزات کی بنیاد پر اُنہیں چھوڑ دیا گیا۔
خیال رہے کہ ساحلی محافظ دستہ اور پولس کو چاق و چوبند رکھنے کے مقصد سے مینگلور، اُڈپی اور اُترکنڑا ،( تین اضلاع) کے درمیان ایسی فرضی کاروائیاں سال میں دو مرتبہ انجام دی جاتی ہیں، اور ہر بار ایسی کاروائیوں کو انجام دینے کے دوران حفاظتی دستے اُنہیں پکڑنے میں کامیاب رہے ہیں۔ اس بار تین لوگوں کی نمائشی گرفتاری بھٹکل میں ہوئی ہے۔