بھٹکل کوسٹل کنگ ویلفئیر اسوسی ایشن کے زیر اہتمام خون عطیہ کیمپ کا انعقاد
بھٹکل: 30؍اکتوبر (ایس او نیوز) کوسٹل کنگ ویلفئیر اسوسی ایشن بھٹکل ، بلڈ ہیلپ کیئر کرناٹکا کے اشتراک اور ریڈ کراس سوسائٹی کنداپور کے تعاون سے شہر کے مدینہ کرکٹ گراؤنڈ میں 30اکتوبر 2018بروز منگل کو خون عطیہ کیمپ کا انعقاد ہوا۔
صبح 30-09بجے خون عطیہ کیمپ کا آغاز ہوا۔ کیمپ کے دوران150سے زائد افراد نے خون کاعطیہ دیا۔ اس موقع پر ریڈ کراس سوسائٹی کنداپور کے چیرمن جئے کمار شٹی ، خازن شیورام شٹی ، ممبران گنیش آچاری ،وریندر کمار گتل، فیاض علی بیندور، جالی پٹن پنچایت کے صدر آدم پنمبور، کوسٹل کنگ ویلفئیر اسوسی ایشن کے صدر اقبال پٹھان ، وسیع اللہ سدی باپا، عبدالغفور صاحب، مولانا اشفاق پوٹے سمیت کئی لوگ موجود تھے۔
خون عطیہ کیمپ کی اختتامی تقریب میں ریاستی کابینہ کے وزیر برائے مویشی پالن اور ماہی گیری وینکٹ راؤ ناڈگوڈا نے شرکت کرتے ہوئے اسوسی ایشن کے سماجی خدمات کی ستائش کی ۔ اس موقع پر اسوسی ایشن کی جانب سے موصوف وزیر شال پوشی کرتے ہوئے ان کی تہنیت کی گئی ۔