بھٹکل:6/ دسمبر(ایس اؤنیوز) بی جے پی کے قومی صدر امیت شاہ ہو یا وزیر اعظم نریندر مودی ہو ، کرناٹکا کا دورہ کرنے پر ہمیں کوئی اعتراض نہیں ہےلیکن ریاست کے پر امن و بھائی چارگی کے ماحول کو برباد کرنے نہیں دیا جائے گا۔ ان باتوں کا اظہار خیال وزیر اعلیٰ سدرامیا نے  ظاہر کیا۔ بھٹکل میں کئی ترقی جاتی  کاموں کا افتتاح اور سنگ بنیاد رکھنے کے لئے تشریف لائے ہوئے  وزیرا علیٰ سدرامیا انجمن گراؤنڈ کے ہیلی پیڈ پر اخبارنویسوں کے ذریعے پوچھے گئے سوالوں کا جواب دے رہے تھے۔ انہوں نے  کہاکہ اترکنڑا ضلع کےمختلف ترقیاتی  کاموں کو جاری کرنے کے لئے بھٹکل سے سفر شروع ہورہاہے عوام کو بنیاد ی سہولیات فراہم کرنا ہماری  سرکارکا اہم مقصد ہے۔ انہوں نے ایک سوال کے جواب میں کہاکہ مندروں میں دلتوں کو پجاری بنانے کے لئے کوئی خصوصی قانون نہیں ہے ، البتہ ہم نارائن گرو کے راستہ پر چلتے ہوئے خود مندر بنا کر خود پجاری بننے کی بات کہہ رہے ہیں۔

ماترپورنا منصوبے کے تعلق سے سوال کا جواب دیتے ہوئے انہوں نے کہا کہ ماترپورنا منصوبے کو لے کر اترکنڑا ضلع میں 452خصوصی انگن واڑی مراکز کی نشاندہی کی گئی ہے، اس سلسلے میں غور وفکر کے بعد فیصلہ لیا جائے گا۔ اس موقع پر آب پاشی کے وزیر ڈاکٹر ایچ سی مہا دیوپا، ضلع نگراں کار وزیر آر وی دیش پانڈے ، رکن اسمبلی منکال وئیدیا وغیرہ موجود تھے۔

بھٹکل میں وزیراعلیٰ سدرامیا نے لیا مودی اور اننت کمار ہیگڈے کو آڑے ہاتھ؛ منکال وئیدیا کی شان میں قصیدہ؛ ٹکٹ ملنے کے واضح اشارے

بھٹکل میں وزیر اعلیٰ کی آمد پر عظیم الشان عوامی اجلاس : اننت کمار کے خلاف منکال وئیدیا کی کڑی تنقید