بھٹکل:10/اگست (ایس اؤنیوز)جے ڈی نائک ابھیمانی بلگا (ر)کے زیراہتمام 12اگست کو تعلقہ کے گروسدھیندرا کالج ہال میں اور مرڈیشور کے آر این ایس پی یوکالج میں سول سرویس امتحانات میں شریک ہونےکے خواہش مند امیدواروں کی رہنمائی کے لئے ایک  مذاکرہ پروگرام منعقد کیا گیا ہے۔اس بات کی جانکاری ادارہ کے صدر ناگیش دیواڑیگا نے دی۔

جمعرات کو جے ڈی نائک ابھیمانی بلگا کے دفتر میں منعقدہ پریس کانفرنس سے خطاب کرتے ہوئےانہوں نے بتایاکہ مذاکرے میں آئی ایف ایس افسران راجیش نائک، دامودر اے ٹی ، آئی آر ایس افسر راگھویندر رائیکر ، کشمیر سے تعلق رکھنے والے آئی اے ایس آفیسر ڈاکٹر بلال محی الدین شرکت کریں گے۔

12اگست کی صبح 15-09بجے سے 15-11بجے تک گروسدھیندراکالج بھٹکل ہال میں اور 30-11سے 15-01بجے تک آر این ایس پی یو کالج ہال میں مذاکرہ پروگرام ہوگا۔ 24ستمبر کو منعقد ہونےوالے سول سرویس رہنمائی کیمپ سے پہلے پیشگی تیاری کے طورپر یہ پروگرام منعقد کیا جارہاہے، انہوں نے بھٹکل کے طلبا سے اپیل کی کہ پروگرام سے خاطر خواہ استفادہ کریں۔پریس کانفرنس میں ابھیمانی بلگا  کے سکریٹری سریش نائک، سبرائے نائک، وینکٹیا بھیرومنے ، سچن نائک، کمار نائک، نارائن نائک، گنپتی نائک، گجانن نائک، پرکاش جالی ، ناگراج نائک، مادیو نائک، ایشور نائک وغیرہ وموجود تھے۔