راشن حاصل کرنے کے لئے بایومیٹرک جانچ کا طریقہ رد کرنے بھٹکل میں سی آئی ٹی یو کا مطالبہ

Source: S.O. News Service | By I.G. Bhatkali | Published on 1st September 2018, 1:58 PM | ساحلی خبریں |

بھٹکل یکم ستمبر (ایس او نیوز) راشن کارڈ پر دستیاب اشیاء حاصل کرنے کے لئے بایومیٹرک جانچ کا جو طریقہ رائج کیاگیا ہے اس سے غریبوں اور خاص کر قلی مزدوری کرنے والوں کو دشواریوں کا سامنا کرنا پڑرہا ہے ۔ اس لئے غریبوں کو راحت پہنچانے کے لئے اس طریقے کو رد کرنے کا مطالبہ سنٹر آف انڈین ٹریڈ یونین (سی آئی ٹی یو) کی طرف سے کیاگیا ہے۔

سی آئی ٹی یو کے اراکین نے ایک احتجاجی مظاہرہ کرتے ہوئے تحصیلدار کو میمورنڈم پیش کیا جس میں کہا گیا ہے کہ روزانہ مزدوری سے اپنا گزربسر کرنے والوں کو راشن حاصل کرنے کے لئے پہلے بایومیٹرک جانچ کے مرکز پرلمبی قطار میں کھڑے رہنا پڑتا ہے۔ بعض دفعہ ٹیکنیکل وجوہات سے انگلیوں کے نشان غلط ثابت ہوتے ہیں اور پھر دو دو تین تین بار بایومیٹرک سنٹر کے چکر لگانے پڑتے ہیں۔ ایک طرف راشن پانے کے لئے دن بھر بھاگ دوڑ کی وجہ سے اس د ن کی مزدوری اورکمائی سے وہ لوگ محروم ہوجاتے ہیں اور کبھی اسی چکر میں تاخیر ہونے کی وجہ سے راشن سے چیزیں دستیاب ہونے کی تاریخ ختم ہوجاتی ہے۔ اس طرح یہ جو بایو میٹرک جانچ کا سسٹم ہے یہ غریبوں کے لئے ایک آفت بن گیا ہے۔

سی آئی ٹی یو نے میمورنڈم میں مطالبہ کیا ہے کہ بھٹکل تعلقہ میں اس طریقہ کار کو ختم کیا جائے۔اس کے علاوہ یہ بھی مطالبہ کیا گیا ہے کہ تعلقہ کے مختلف مقامات پر کسانوں نے اپنی رہائش کے لئے جنگلاتی زمین پر جو مکانات تعمیر کیے ہیں ، وہاں سے ان کو کسی بھی قیمت پر خالی نہ کروایا جائے بلکہ مکانوں کی مرمت کرکے وہاں قیام پزیر رہنے کا موقع فراہم کیا جائے۔ 

تحصیلدار وی این باڈکر نے میمورنڈم قبول کیا۔ اس موقع پر گیتا نائک، پنڈلک نائک، سدھا بھٹ، پشپاوتی نائک، انورادھا ڈی کوسٹا وغیرہ موجود تھے۔

ایک نظر اس پر بھی

اُڈپی:مذاہب کے تقابلی مطالعہ میں  ماہر نہال احمد اسٹوڈنٹس اسلامک آرگنائزیشن آف انڈیاکرناٹکا  (SIO) کے ریاستی صدر منتخب

گلبرگہ کے ہدایت سنٹر میں منعقدہ اسٹوڈنٹس اسلامک آرگنائزیشن آف انڈیا کرناٹکا کے اسٹیٹ ایڈوائزی کونسل کی انتخابی  نشست میں  اُڈپی ضلع  سے تعلق رکھنے والے ایس آئی اؤ کے فعال و متحرک ممبر نہا ل احمد کدیور کو ایس آئی اؤ کی اگلی میقات 20196-2020کے لئے ریاستی صدر کی حیثیت سے منتخب ...

بھٹکل میں کنٹیروا فرینڈ س کے زیراہتمام خوبصورت کبڈی ٹورنامنٹ : میزبان ٹیم نے ہی جیتا خطاب

مٹھلی گرام پنچایت حدود والے  تلاند کے کٹے ویرا مہاستی میدان میں کنٹیروا فرینڈس کے زیراہتمام منعقدہ تعلقہ سطح کے 55کلو   کبڈی ٹورنامنٹ میں میزبان  کنٹیرو فرینڈس  نے فائنل  میں مہاستی منونڈو ٹیم کو شکست دیتے ہوئے خطاب جیت لیا ۔

بھٹکل میں 1009آخری رسومات امداد کی عرضیاں  باقی : دوبرسوں سے عوام امداد کے انتظار میں

آخری رسومات منصوبے کے تحت اترکنڑا ضلع کو سال 2018-2019میں 38.10لاکھ روپئے کی امداد منظور کی گئی ہے، تیسری قسط کے طورپر 20.30لاکھ روپئے منظور کئے جارہے ہیں، کل 1009عرضیوں کو معاشی امداد  باقی رہنے کی ریاست کے وزیر تحصیل آر وی دیش پانڈے نے  سرمائی اجلاس کے دوران تحریری جانکاری دی ہے۔

کرناٹکا سے گوا کے لئے  مچھلی سپلائی پابندی میں ڈھیل:چھوٹی سواریوں کے ذریعے مچھلی سپلائی کی اجازت: دیشپانڈے کی کوشش رنگ لائی  

ریاست سے گوا کوچار پہیہ سواری سمیت چھوٹی سواریوں کےذریعے مچھلی   سپلائی پر کوئی پابندی نہیں ہونے کی ریاستی کابینہ کے اسکل ڈیولپمنٹ اور تحصیل وزیر آر وی دیش پانڈے نے جانکاری دی ہے۔

مینگلور میں سابق وزیر پلّم راجو نے کیا ریفائیل معاہدے کے سلسلے میں جوائنٹ پارلیمنٹری کمیٹی کے ذریعے تحقیقات کا مطالبہ

سابق مرکزی وزیر پلّم راجو نے منگلورو میں میڈیا سے بات چیت کے دوران مطالبہ کیا کہ جنگی ہوائی جہاز ریفائیل کی خریداری میں ہوئی بدعنوانی کے تعلق سے تحقیقات کے لئے جوائنٹ پارلیمنٹری کمیٹی تشکیل دی جانی چاہیے ۔