فوربس فہرست میں عرب دنیا کے 50 ٹاپ انڈین ایکزیکٹیوز میں بھٹکل کے مشتاق مسعود کانام شامل

Source: S.O. News Service | By I.G. Bhatkali | Published on 18th May 2017, 8:54 PM | ساحلی خبریں | خلیجی خبریں |

بھٹکل 18؍مئی (ایس او نیوز) بھٹکل اور اطراف کے عوام کے لئے یہ بڑے رشک اور فخر کی بات ہے کہ Forbes مڈل ایسٹ نے عرب دنیا کے 50ٹاپ ایکزیکٹیوز کی جو فہرست جاری کی ہے اس میں مشتاق مسعود (المعروف ایس ایم سید مشتاق) کانام بھی شامل ہے۔

مشتاق مسعود بھٹکل کے مشہور و معروف مولاناخاندان کے چشم وچراغ ہیں، جو مولانا لنگیز کے لئے دنیا بھر میں مشہور ہے۔مشتاق مولانا لنگیز کے ڈائریکٹر اور میٹا لیکس ایجنسیز ایرناکولم کے پارٹنر ایس ایم سید مسعود مولانا کے صاحبزادے ہیں جو پیشے سے چارٹرڈ اکاؤنٹنٹ اور دبی انویسٹمنٹ PJSCکے گروپ سی ایف او کے عہدے پر فائز ہیں۔فوربس مڈل ایسٹ نے سید مشتاق کو ان کی بہترین کارکردگی کے لئے 50ٹاپ ایکزیکٹیوز کی فہرست میں 42ویں رینک پر رکھا ہے۔

Dubai Investments PJSCکمپنی جس کے سید مشتاق گروپ سی ایف او ہیں، دبئی کی فنانشیل مارکیٹ میں ایک بہت ہی اہم مقام رکھنے والی کمپنی ہے جو فنانشیل، انڈسٹریل اور ریئل اسٹیٹ کے شعبوں میں متحرک و ملوث ہے۔سید مشتاق نے سال 2008میں اس کمپنی کو جوائن کیا۔مجموعی مالیاتی حکمت عملی اور سرمایہ کارانہ سرگرمیوں میں اپنا بہت ہی مؤ ثر کردار ادا کرتے ہوئے سید مشتاق نے بڑا نام کمایا ہے۔انہوں نے اپنی بہترین صلاحیتوں کو بروئے کار لاتے ہوئے کمپنی کے قرضہ جات اور فنڈ منیجمنٹ کو قابل ستائش انداز میں سنبھالا ہے۔دبئی انویسٹمنٹ کی ذیلی کمپنی Al Mal Capital PSCجو کہ ایک کثیر الجہت سرمایہ کاری میں مصروف کمپنی ہے ، اس کے بورڈ آف ڈائریکٹرز میں بھی سید مشتاق شامل ہیں۔

سید مشتاق نے St. Alberts کالج ایرناکولم کیرالہ سے کامرس میں گریجویشن مکمل کیا۔پھر آرٹیکل شپ کے لئے ایک مقامی آڈٹ فرم کے ساتھ جڑ گئے اور 1989میں چارٹرڈ کاؤنٹنٹ بننے کے بعد دبئی کا رخ کیا۔دبئی میں سید مشتاق نے Arthur YoungاورArthur Andersenنامی آڈٹ کمپنیوں کے ساتھ اپنا کیریئر شروع کیا۔ 1992میں وہ ابوظہبی منتقل ہوگئے اور وہاں معروف پٹرولیم کمپنی Adnoc Distributionمیں انٹرنل آڈیٹر کا منصب سنبھالا۔ 1999میں سید مشتاق نے Cupola Groupگروپ جوائن کرتے ہوئے آڈٹنگ سے مالیات(فنانس) کے شعبے کو اپنایااورپھر مڈل ایسٹ اینڈ نارتھ آفریقہ MENAکے علاقے میں سب سے بڑی اکویٹی فرم Abraaj Capitalکے ساتھ منسلک ہوگئے۔Abraaj میں وہ سی ایف او کے عہدے پر فائز رہے جہاں انہیں اپنی صلاحیتیں کھل کر دکھانے کا موقع ملا اور اس طرح Dubai Investmentsکے لئے کام کرنے کا موقع ان کے ہاتھ آیا۔

ساحل آن لائن اس جواں سال کارپوریٹ اور ایکزیکٹیو کو اپنے دل کی گہرائیوں سے مبارکباد پیش کرتا ہے اوردعاگو ہے اللہ انہیں مزید ترقیوں اور عزت و شہرت سے نوازے ۔آمین

ایک نظر اس پر بھی

کاروار:اپنی نجی خواہشات کے لئے دوسروں پر الزام عائد نہ کریں : وزیر دیش پانڈے کا ہیبار پرپلٹ وار

اغی گروپ میں شامل یلاپور کے رکن اسمبلی شیورام ہیبار نےاپنے فیس بک پیج پر ضلع نگراں کار وزیر آر وی دیش پانڈے کے خلاف لگائے گئے الزاما ت کا وزیر دیش پانڈے نے بھی فیس بک پر  ہی  کچھ اس طرح جواب دیا ہے۔ ’ہیبار اپنے نجی اور انفرادی فیصلوں اور خواہشات کے لئے خود ذمہ دار ہیں ، اس ...

اڈپی ضلع پولیس نے کروائی گائیں چرانے کے معاملات میں ملوث157 افرادکی پریڈ۔ شہر بدرکرنے اور غنڈہ ایکٹ لاگو کرنے کی دی گئی وارننگ

اڈپی ضلع میں پولیس نے گائیں چرانے کے معاملات میں شامل رہنے والے افراد کو مختلف مقامات پر طلب کرکے ان کی اجتماعی پریڈ کروائی اور انہیں تنبیہ کرتے ہوئے کہا کہ آئندہ اس طرح کی وارداتوں میں اگر وہ ملوث ہونگے تو پھر ان کے خلاف شہر بدر کرنے یا پھر غنڈہ ایکٹ لاگو کرنے جیسے اقدامات کیے ...

بھٹکل کے علما و ذمہ داران کی دعاوں سے دبئی کے قریبی شہر عجمان میں کھلاڑیوں کے ملبوسات کے شوروم کا خوبصورت افتتاح

قریبی شہر عجمان میں بھٹکل کے نوجوان  عبدالباسط صوبیدار  کے  اسپورٹس وئیر کے شوروم کا گذشتہ روز خوبصورت افتتاح بھٹکل کے علماء و ذمہ داران کی دعاوں کے ساتھ کیا گیا ۔ شوروم میں  اسپورٹس کے کپڑوں کے ساتھ ساتھ   بچوں  کے کپڑوں سمیت خواتین کی اعلیٰ کوالٹی اور خوبصورت ڈیزائن کی ...

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...

دُبئی میں 18 برس سے کم عمر بچوں کی ویزہ مفت؛ 15 جولائی سے 15 ستمبر تک رہے گی سہولیت

 متحدہ عرب امارات میں سیاحتی سیزن کے دوران غیر مُلکی سیاحوں کے 18 برس سے کم عمر بچوں کے لیے مفت ویزے کی سہولت فراہم کی جا رہی ہے۔ یہ اعلان فیڈرل اتھارٹی فار آئیڈینٹٹی اینڈ سٹیزن شپ کی جانب سے کیا گیا ہے۔ دُبئی میں ہر سال سیاحتی سیزن کا آغاز 15 جولائی سے ہوتا ہے جو 15 ستمبر تک جاری ...

بحرین میں بھٹکل مسلم جماعت بحرین کی خوبصورت عید ملن تقریب ؛ اناس افریقہ کو بیسٹ اسٹوڈینٹ کا ایوارڈ؛ قران حفظ کرنے پر اسعدمصباح کو بھی ملا خصوصی اعزاز

بھٹکل مسلم جماعت بحرین کا عید ملن پروگرام بروز جمعرات  13جون کو منعقد ہوا، جس میں  بچوں کے پروگرام بالخصوص نظمیں، کوئیز، کھیل مقابلے نہایت دلچسپ رہے، عید ملن تقریب میں تعلیمی ایوارڈ سمیت بچوں کی ہمت آفزائی  کے لئے  بعض خصوصی انعامات  سے بھی نواز گیا جبکہ   آخر میں ریفل ...

جون 13 کو ہوگا بھٹکل مسلم جماعت بحرین کا عید ملن پروگرام؛ ممبران سے شرکت کی درخواست

بھٹکل مسلم جماعت بحرین کی عید ملن تقریب انشاء اللہ 13 جون کو مناما کے    ویندھم گرینڈ ہوٹل (Wyndham Grand Hotel, Manama)  میں  منعقد کی گئی ہے جس میں  دلچسپ اور تفریحی پروگرام پیش کئے جائیں گے۔ اس بات کی اطلاع جماعت کے جنرل سکریٹری مولوی اظہرالدین آرمار نے دی ہے۔

بھٹکل مسلم ایسوسی ایشن ریاض کی عید ملن تقریب؛ نوائطی ڈرامے، کوئیز، فینسی ڈریس سمیت کئی دلچسپ پروگرام سے حاضرین نے اُٹھایا لطف

بھٹکل مسلم ایسوسی ایشن ریاض کی طرف سے عید کی رات ٹھیک 10بجے کراون پلازہ ہوٹل میں ایک شاندار عید ملن تقریب کا اہتمام کیا گیا جس میں  تفریحی پروگرام، بچوں کا فینسی ڈریس ، نوائطے ڈرامے، کوئز اور ریفل ڈراء  وغیرہ جیسے مختلف پروگراموں سے  حاضرین نے خوب لطف اُٹھایا۔