بھٹکل:22/جنوری  (ایس او نیوز) سال 2016میں منعقد ہوئے ایم ٹیک (ہائی وے ٹکنالوجی) امتحان میں بھٹکل سرکل پولس انسپکٹر کی دُختر کی این ایس چندن شری 85.21% نمبرات سے کامیاب ہوکر بیلگام کی وشویشوریا ٹکنالوجی یونیورسٹی سے  دوسرارینک حاصل کرتے ہوئے شہر کانام روشن کردیاہے۔

بھٹکل کی چندن شری بنگلورو کے آئی آر راستا سنٹر فار روڈ ٹکنالوجی کالج کی طالبہ ہیں، بھٹکل میں سی پی آئی کے عہدے پر فائز سریش نایک اور دی نیو انگلش اسکول کی ٹیچر راجما ہچکڈکا کی دختر ہیں۔ 21جنوری کو بیلگام میں منعقد ہوئے یونیورسٹی کے 16ویں کانویکیشن میں چندنشری کو رینک کی سند عطا کی گئی ۔ طالبہ کی شاندار کارکردگی پر تعلقہ کے مختلف اداروں کے عہدیداران ، ضلع کے محبان تعلیم نے مبارکباد پیش کی ہے۔ طالبہ چندن شری نے اپنے خیالات کا اظہار کرتےہوئے کہاکہ رینک آنے سے بڑی خوشی ہوئی ہے، مستقبل میں اپنے ملک کے لئے اپنی بساط بھر کام  کرنے کی کوشش کرونگی۔