بھٹکل:ایس ایس ایل سی اورپی یوسی میں کم نمبرات حاصل کرنےوالے طلبا بھی سی اے میں کامیاب ہوسکتے ہیں :نیو انگلش پی یو کالج میں سی اے رہنمائی پروگرام
بھٹکل:5/اگست (ایس اؤنیوز)ایک ایسے وقت جب معاشیات اوراقتصادیات کے شعبہ جات میں انقلابی تبدیلیاں ہورہی ہیں ایسے دور میں کامرس کے طلبا کے لئے چارٹیٹڈ اکاؤنٹنٹ (سی اے )کا کورس ایک بہتر انتخاب ہونے کا کنداپور پتھ درشک اکیڈمی کے سی اے راجیش شٹی نے خیال ظاہر کیا۔
شہر کے نیو انگلش پی یو کالج میں منعقدہ ’’سی اے کیوں اور کیسے ‘‘کے موضوع پر منعقدہ پروگرام کا افتتاح کرنے کے بعد خطاب کررہے تھے۔ انہوں نے طلبا کی سی اے کے متعلق رہنمائی کرتے ہوئے کہاکہ گرچہ دنیا میں تیسر ی سب سے بڑی کٹھن پڑھائی سی اے کی تعلیم مانی جاتی ہے، ہاں ! اگر طلبا کٹھن محنت، جذبہ ، ذوق و شوق سے مطالعہ کرنے کا فن، وقت کا انتظام ، لکھنے کا طریقہ ، حافظہ کی تکنک کو اپنائیں تو ایس ایس ایل سی اور پی یوسی میں کم نمبرات حاصل کرنےو الے بھی سی اے کی ڈگری میں کامیاب ہونے کی بات کہی۔ پتھ درشک اکیڈمی کے بھرت شٹی نے سی اے ڈگری میں داخلہ کی اہلیت اور دیگر عنوانات پر جانکاری دی ۔ لکچرر لولیٹا روڈرگس نے نظامت کی۔ طالبات چئیترا اور ساتھیوں نے پرارتھنا کی ۔ پرنسپال وریندر شانبھاگ نے شکریہ اداکیا۔
