عبدالباعث، بھٹکل کا گولڈن بوائے؛ بی ای میں فرسٹ رینک کے ساتھ شاندار کامیابی؛ کیمیکل انجینرنگ میں حاصل کئے چھ گولڈ میڈلس

Source: S.O. News Service | By I.G. Bhatkali | Published on 4th August 2018, 8:46 PM | ساحلی خبریں | ریاستی خبریں |

بھٹکل 4/اگست (ایس او نیوز)  بھٹکل کے نوجوانوں کا ملک و بیرون ملک کے اسکولوں اور کالجوں میں بہترین پرفارمینس پیش کرنے کا سلسلہ جاری ہے اور تازہ  خبر یہ ہے کہ بھٹکل کے جالی روڈ کے مقیم جناب عبدالباسط کاڈلی کے فرزند عبدالباعث کاڈلی نے  آج بنگلور میں منعقدہ کانوکیشن تقریب میں چھ گولڈ میڈل حاصل کرتے ہوئے پورے بھٹکل کے عوام میں خوشی کی لہر دوڑا دی ہے۔

اطلاع کے مطابق عبدالباعث نے  سدّا گنگا انسٹی  ٹیوٹ آف ٹیکنالوجی ، ٹمکور میں تعلیم حاصل کرتے ہوئے  کیمیکل انجینرنگ کے فائنل بی ای میں CGPA 9.31 کے ساتھ   اول رینک حاصل کیا ہے۔ سمجھا جارہا ہے کہ چھ گولڈ میڈل حاصل کرنے والا عبدالباعث  بھٹکل کا پہلا طالب العلم ہے۔

عبدالباعث نے  اپنی ابتدائی تعلیم نونہال سینٹرل اسکول بھٹکل سے حاصل کی، جہاں انہیں بیسٹ اسٹوڈینٹ کے اعزاز سے نوازا گیا۔ آٹھویں کے لئے اسلامیہ اینگلو اُردو ہائی اسکول  میں داخلہ لیا اورسن 2012 میں SSLC میں انہوں نے 91 فیصد اوسط کے ساتھ امتیازی کامیابی درج کی۔ اسی سال انجمن ہائی اسکول کی جملہ کارکردگیوں میں سرفہرست  رہنے پر انہیں وقار اسلامیہ کے   گولڈ میڈل سے بھی نوازا گیا۔ سکینڈ پی یو سی انہوں نے بھٹکل  انجمن کالج سے مکمل کیا، یہاں بھی انہوں نے 89 فیصد مارکس کے ساتھ  نمایاں کامیابی درج کی۔ عبدالباعث کبڈی  کے کھلاڑی  رہے ہیں، وہ ڈسکس تھرو کے ساتھ ساتھ یونیورسٹی اور ریاستی سطح پر ہیمر تھرو میں بھی حصہ لیتے ہوئے کئی انعامات حاصل کرچکے ہیں۔

بیچلر آف انجینرنگ کے لئے انہوں نے ٹمکور میں واقع سّدا گنگا انسٹی ٹیوٹ آف ٹیکنالوجی میں داخلہ لیا، جہاں کیمیکل انجینرنگ کے شعبے سے   بی ای کا فائنل امتحان اسی سال مئی میں دیا تھا۔ یہاں بھی  انہوں نے نمایاں نمبرات سے کامیابی حاصل کرنے کا سلسلہ جاری رکھتے ہوئے  فرسٹ رینک حاصل کیا ہے۔

ساحل آن لائن سے گفتگو کرتے ہوئے عبدالباعث نے بتایا کہ وہ اب  ماسٹر اِن کیمیکل انجینرنگ کریں گے۔

بھٹکل کے اس نوجوان کی شاندار کامیابی پر انجمن حامئی مسلمین بھٹکل کے صدر عبدالرحیم جوکاکو، مجلس اصلاح و تنظیم بھٹکل کے جنرل سکریٹری محی الدین الطاف کھروری سمیت قائد قوم  ایس ایم سید خلیل الرحمن نے بھی   ان کی بہترین کامیابی پر انہیں اور ان کے والدین کو مبارکباد پیش کی ہے اور آئندہ بھی اسی طرح نمایاں کامیابی حاصل کرنے اور قوم و ملت کا نام روشن کرنے کی خواہش کا اظہار کرتے ہوئے نوجوان کے حق میں دُعا بھی کی ہے۔

ایک نظر اس پر بھی

ڈاکٹر کے ہریش کماراب اُترکنڑا کے نئے ڈپٹی کمشنر؛ ایس ایس نکول کا بنگلور تبادلہ

ضلع اُترکنڑا کے ڈپٹی کمشنر ایس ایس نکول کا بنگلور تبادلہ کرنے کے ساتھ ہی ڈاکٹر کے ہریش کمار کو ضلع کا نیا ڈپٹی کمشنر مقرر کیا گیاہے۔ بتایا گیا ہے کہ ریاست کے گورنر کے حکم پر ان دونوں کے تبادلے ہوئے ہیں۔

ٹیلی ویژن اور اخبارات دیکھنے والوں کا دماغ صحیح نہیں ہوتا۔ متنازع بیانات دینے والے اننت کمار ہیگڈے نے اب میڈیا والوں کو لیا آڑے ہاتھ

مرکزی وزیر اننت کمار ہیگڈے نے ایک بار پھر اپنی زبان درازی کا مظاہرہ کرتے ہوئے میڈیا پر نشانہ سادھا اور کہا کہ میڈیا والے جو بھی من چاہے وہ لکھ دیتے ہیں۔جو لوگ ٹی وی دیکھتے اور اخبارات پڑھتے ہیں، ان کا دماغ صحیح نہیں ہوتا۔

بھٹکل : منکال وئیدیا کے بیان پر بی جے پی کا جوابی وار؛شرالی میں ہائی وے کی چوڑائی کی توسیع کا ٹھیکرہ ریاستی حکومت پر پھوڑا

شرالی میں قومی شاہراہ کی توسیع کے تعلق سے کل سابق رکن اسمبلی منکال وئیدیا نے بی جے پی کو راست نشانے پر لیتے ہوئے بیان دیا تھا کہ ہائی وے کی توسیع  کا کام نیشنل ہائی وے اتھارٹی کا ہوتا ہے جس کے لئے مرکزی حکومت کی طرف سے  منظوری حاصل کرنی ہوتی ہے، مگر منکال وئیدیا کے بیان پر چراغ پا ...

بھٹکل کے سابق رکن اسمبلی جے ڈی نائک دوبارہ کانگریس میں شامل؛ کہا، اننت کمار ہیگڈے کو شکست دینا میرا مقصد

توقع کے مطابق بھٹکل کے سابق رکن اسمبلی جے ڈی نائک بدھ کو بنگلورو کی کرناٹکا پردیش کانگریس کمیٹی (کے پی سی سی) دفتر میں ریاستی صدر دنیش گنڈوراؤ ، ضلع نگراں کاروزیر آر وی دیش پانڈے ، کانگریس ضلع صدر بھیمنا نائک کی موجودگی میں دوبارہ کانگریس میں شمولیت اختیار کی۔

گروسدھیندرا کالج بھٹکل اور جے جی کالج ہبلی نے جیتا کرناٹکا یونیورسٹی شٹل بیڈمنٹن زونل چمپئین کا خطاب؛ بھٹکل انجمن کو سوم مقام

یہاں انجمن ڈگری کالج بھٹکل کے زیراہتمام روٹری کلب میں منعقدہ دو روزہ کرناٹکا یونیورسٹی دھارواڑ سے ملحق کالجوں کے درمیان مردوں اور عورتوں کے زونل لیول شٹل بیڈمینٹن ٹورنامنٹ میں  شری گرو سدھیندرا کالج بھٹکل اور جے جی کالج  ہبلی نے زبردست پرفارمینس پیش کرتے ہوئے بالترتیب ...

ٹیلی ویژن اور اخبارات دیکھنے والوں کا دماغ صحیح نہیں ہوتا۔ متنازع بیانات دینے والے اننت کمار ہیگڈے نے اب میڈیا والوں کو لیا آڑے ہاتھ

مرکزی وزیر اننت کمار ہیگڈے نے ایک بار پھر اپنی زبان درازی کا مظاہرہ کرتے ہوئے میڈیا پر نشانہ سادھا اور کہا کہ میڈیا والے جو بھی من چاہے وہ لکھ دیتے ہیں۔جو لوگ ٹی وی دیکھتے اور اخبارات پڑھتے ہیں، ان کا دماغ صحیح نہیں ہوتا۔

بنگلورو ایئر شو حادثے میں نیا موڑ۔ جھیل میں ملا ایک اور زخمی پائلٹ

کل بنگلورو میں ایئر شو ریہرسل کے دوران فضا میں دو جیٹ ہوائی جہاز ٹکرانے کی وجہ سے ایک پائلٹ ہلاک اور دو پائلٹس زخمی ہونے کی خبر دی گئی تھی اور بتایا گیا تھا کہ دو جیٹ فائٹرس کے اندر تین ہی پائلٹ تھے۔ مگر آج اس معاملے میں اس وقت ایک غیر متوقع موڑ سامنے آیا جب جائے حادثہ سے دور ایک ...

بی بی ایم پی کا بجٹ اور وارڈ کمیٹیاں!

بنگلور۔19؍فروری(ف ن) بروہت بنگلورو مہا نگرا پالیکے (بی بی ایم پی) نے اگر چہ کہ حسب توقع دس ہزار کروڑ روپئے سے زیادہ کا بجٹ پیش کیا ہے جس میں ماہرین کے مطابق لوک سبھا انتخابات کے پیش نظر ہر ایک طبقہ کو خوش کرنے کی بھی کوشش کی ہے مگر اسی کے ساتھ ماہرین شہریات کا یہ بھی کہنا ہے کہ اس ...