بھٹکل:4/اگست (ایس اؤنیوز)ریاستی کانگریس حکومت کےایندھن وزیر ڈی کے شیو کمار کے گھر اور دیگر جائیداد پر انکم ٹیکس افسران کی چھاپہ ماری کی مخالفت کرتے ہوئے بھٹکل میں کانگریس کارکنان نے سخت احتجاج درج کیا۔
شہر کے ساگر روڈ پر واقع کانگریس دفتر سے احتجاجی ریلی کے ذریعے نکل کر مرکزی حکومت اور وزیرا عظم کے خلاف نعرے بازی کرتے ہوئے شمس الدین سرکل پہنچے۔ یہاں احتجاجیوں سے منکی بلاک کانگریس صدر چندرشیکھر گوڈا ، بھٹکل کانگریس بلاک صدر وٹھل نائک، سنئیر لیڈر راما موگیر نے خطاب کرتے ہوئے ڈی کے شیوکمار کی جائیداد پر ہونے والی انکم ٹیکس چھاپہ ماری کو مرکزی حکومت کی سیاسی سازش قرار دیا۔ گجرات میں راجیہ سبھا انتخابات میں جیت حاصل کرنے کے لئے بی جے پی اس طرح کی ذلیل حرکت کررہی ہے، گجرات کے کانگریسی ارکان اسمبلی کو جمہوریت کو دھوکہ دے کر انہیں 15کروڑروپیوں کی لالچ دی جارہی ہے، وزیر اعظم مودی من کی بات کہتے ہوئے باتوں میں ہی دن گزار رہے ہیں، آئندہ ودھان سبھا انتخابات میں سدرامیا کی قیادت والی کانگریس حکومت کی یقینی جیت سے گھبرائی بی جے پی کانگریس کے خلاف غلط ہتھکنڈوں کو استعمال کرنے کا الزام لگایا۔ اس موقع پر بھٹکل تعلقہ پنچایت صدر ایشورنائک، نائب صدر رادھا وئیدیا، بلدیہ صدر محمد صادق مٹا، جالی پنچایت صدر عبدالرحیم شیخ، نائب صدر لکشمی مادیو نائک، وینکٹیش نائک، منجوناتھ نائک بیلکے ، منجوناتھ نائک کراولی، وامن نائک، نارائن بی نائک، کے جے نائک، مہابلیشور نائک، پشپا نائک، سندھو بھاسکر نائک، جئے لکشمی گونڈ، میناکشی جٹپا نائک، وشنو دیواڑیگا، انیا ایشور نائک منکی، انصاری ، لکشمن ، سلیمان وغیرہ موجود تھے۔ سی پی آئی سریش نایک کی قیادت میں پولس سکیورٹی کا انتظام کیا گیا تھا۔