مرڈیشور :بی جے پی ہرمحاذ پر ناکام ،ہمیں ڈرانا آسان نہیں :بلاک کانگریس جلسہ میں کانگریس صدر پاٹل
بھٹکل:12/ستمبر (ایس اؤنیوز)ملک میں بی جے پی ، آئی ٹی ، سی بی آئی جیسی تفتیشی ایجنسیوں کو اپنی پکڑ میں لے کر کانگریس لیڈران کے اعتماد کو کمزور کرنے کی ناکام کوشش کررہی ہے، ہم اس کا ڈٹ کر مقابلہ کریں گے اور کسی حا ل میں نہیں ڈریں گے کیونکہ ہم نے مہا تما گاندھی کی قیادت میں ظالم انگریزوں کے خلاف نڈر کر جدوجہد کی ہے ہمیں اس کی عادت ہے۔ ان خیالات کااظہار کے پی سی سی شمالی کرناٹکا کے صدر ایس آر پاٹل نے کیا۔
وہ یہاں مرڈیشور کے شری راگھویشور بھارتی سوامی جی کے ہال میں بھٹکل ، منکی بلاک کانگریس کے زیر اہتمام منعقدہ بھٹکل ہوناور ودھان سبھا حلقہ کے بوتھ اور وارڈ سطح کے کانگریس کمیٹی کے صدور اور ممبران کے اجلاس کا افتتاح کرنے کے بعد خطاب کررہے تھے۔ کانگریس کے سنئیر لیڈروں میں اپنی سخت تنقید کے لئے مشہور شمالی کرناٹکا کے عوامی لیڈر ایس آر پاٹل نے مرکزکی نریندرمودی والی قیادت پر جم کر برسا اور ایک ایک معاملے کو لے کر اس کی حقیقت کو واضح کرنے کی کوشش کی ۔ انہوں نے کہاکہ مرکزی بی جے پی کی حکومت کا نوٹ بندی کا فیصلہ ایک منصوبہ ڈکیتی تھا، انہوں نے کہاکہ اسی نوٹ بندی کے ذریعے ریزرو بینک آف انڈیا میں رشوت خوری کو راہ دی ہے، نوٹ بندی سے جی ڈی پی میں 2فی صد کمی آئی ہے، 3لاکھ کروڑ روزگار برباد ہوگیا ہے ، ملک 10سال پیچھے چلنے جانے کاخیال ظاہر کیا۔
مودی نے بیرونی ممالک میں جمع بلیک منی کو لا کر ہر شہری کے کھاتے میں 15-15لاکھ روپئے جمع کرنے کی بات کہی تھی، تین سال بیت گئے ابھی تک 15روپئے بھی نہیں آئے۔ نریندر مودی کی حکومت کارپوریٹ کمپنیوں کا قرضہ معاف کرکے کسانوں کولوٹ رہی ہے، اچھے دن کا وعدہ صرف بی جے پی والوں کے لئے ہونے کی بات کہی۔
کانگریس ریاستی صدر نے کہا کہ بی جےپی والے اور خودی مودی جہاں بھی جاتے ہیں سوال کرتے ہیں کہ 60سالوں سے کانگریس نے ملک کے لئے کیا کیا ہے ۔ اپنے بازو میں رشوت خور یڈیورپا ، کٹا سبرامنیا نائیڈو، کرشنیا شٹی کو بٹھا کر سدرامیا کی حکومت کو رشوت خور کہنے والے بی جے پی کے قومی صدر امیت شاہ غالباً 3ماہ تک جیل کی ہواکھائے ہوئے کو بھول گئے ہیں، انہیں یاد نہیں رہنے کی بات کہتے ہوئے مذاق اڑایا۔
ریاستی حکومت کی عوامی پالیسیوں کا ذکر کرتےہوئے پاٹل نے کہاکہ سدرامیا کی حکومت اقتدار سنبھالنے ایک گھنٹے کے اندر انا بھاگیہ نامی غریب عوام کے لئے روٹی کا انتظام کرنےو الی اسکیم کو نافذ کیا۔ آشریہ قرضہ ، بجلی بقیہ کو معاف کیا۔ انتخابی منشور میں کئے گئے 165وعدوں میں سے 159کو سدرامیا کی حکومت نے وفاکیا ہے۔ 63000کروڑ روپئے آب پاشی کے لئے خرچ کئے گئے ہیں۔ 2018کے انتخابات میں عوام کے سامنے ہم پُر اعتمادی کے ساتھ جائیں گے، سدرامیا پھر ایک بار وزیرا علیٰ کا عہدہ سنبھالیں گے۔ اترکنڑا ضلع کے پورے 6حلقہ جات میں کانگریس کی جیت ہونے کی بات کہی۔
ضلع نگراں کاروزیر آروی دیش پانڈے نے خطاب کرتے ہوئے کہاکہ کانگریس ہمیشہ امن چاہتی ہے، ہمیں ذات پات کی سیاست میں کوئی بھروسہ نہیں ہے۔ اگر سیاست میں لمبے عرصے تک رہنا ہے تو عوام کے ساتھ جڑے رہنا ضروری ہونے کا خیال ظاہر کیا۔ ڈائس پر بیلگام کے کانگریس نگران کار مانیکم ٹھاکور، ضلع کانگریس کمیٹی کے صدر بھیمنا نائک، کے پی سی سی کانگریس پارٹی کے ناظم اے این مورتی ، آرادھیا، ڈاکٹر راج نندنی ، رکن اسمبلی منکال وئیدیا ، ایس ایل گھوٹنیکر، ضلع نپچایت صدر جئے شری موگیر، مجلس اصلاح وتنظیم کے صدر محمد مزمل قاضیا، سائی گاؤنکرموجود تھے۔ بھٹکل بلاک کانگریس صدر وٹھل نائک نے استقبال کیاتو منکی بلاک کانگریس صدر چندرشیکھر گوڈا نے شکریہ اداکیا۔ ناگراج موگیر نے نظامت کی۔
پروگرام سے قبل بائیلور سےکانگریس کارکنا ن نے بائک ریلی کا اہتمام کرتے ہوئے تمام کانگریس لیڈران کا پرتپاک استقبال کرتے ہوئے جلسہ گاہ تک لایا گیا ۔