بھٹکل رکن اسمبلی کی کار روک کر بی جےپی کارکنان نے کی نعرے بازی

Source: S.O. News Service | By Abu Aisha | Published on 23rd April 2018, 10:58 PM | ساحلی خبریں | ان خبروں کو پڑھنا مت بھولئے |

بھٹکل:23/اپریل (ایس او نیوز)پیر کو جب دوحریف سیاسی پارٹیوں کے امیدوار پرچہ نامزدگی داخل کرنے اے سی دفتر پہنچے تو بی جے پی کارکنوں نے  کانگریس اُمیدوار اور بھٹکل رکن اسمبلی منکال وئیدیا کی کار کو  روک کر بی جے پی کے حق میں نعرے بازی شروع کردی۔ 

 کانگریس امیدوار منکال وئیدیا اے سی دفتر میں پہلے پہنچے تھے اور  اپنا پرچہ داخل کرنےمیں مصروف تھے تو اسی وقت بی جے پی امیدوار سنیل نایک بھی اپنےلیڈران کے ساتھ پرچہ داخل کرنے کے لئے اے سی دفتر پہنچے ۔ رکن اسمبلی منکال وئیدیا اپنا پرچہ نامزدگی داخل کرنے کے بعد جب  اپنی کار کے ذریعے واپس لوٹ رہے تھے  تو  قومی شاہراہ کے قریب انجمن کالج روڈ پر  پہلے سےموجود بی جےپی کے ہزاروں  کارکنان رکن اسمبلی منکال وئیدیا  کی کار کو روک کر وزیر اعظم نریندر مودی کے حق میں نعرے بازی شروع کردی۔ موقع کی نزاکت کو دیکھتے ہوئے  واردات  پر موجود پولس اور حفاظتی  اہلکار  فوری طور پر حرکت میں آگئے  اور بھیڑ کی شکل میں جمع  بی جے پی کارکنا ن کو  سڑک پر سے ہٹاکر  رکن اسمبلی کی کار کو جانےکے لئے راستہ کھولا۔

واقعہ کو لےکر رکن اسمبلی منکال وئیدیا نے کہاکہ بی جےپی والوں نے ہمیشہ کی طرح اپنے رویے کا اظہار کیاہے۔ بھٹکل ہوناور حلقہ کے لوگ یہ سب کچھ دیکھ رہے ہیں، انتخابات میں وہی اس کا فیصلہ کریں گےاورمجھے اعتماد ہے کہ عوام صحیح فیصلہ کرتے ہیں۔

ایک نظر اس پر بھی

بھٹکل کے مرڈیشور میں جانوروں سے بھری دو لاریوں پر نام نہاد گئو رکھشکوں کا حملہ ؛ لاری ڈرائیور اور کلینر کی بری طرح پیٹائی

یہاں مرڈیشور نیشنل ہائی وے پر جانوروں سے بھری دو لاریوں کو روک کر  لاری ڈرائیور اور کلینر کی بری طرح پیٹائی کرتے ہوئے دونوں لاریوں میں زبردست  توڑ پھوڑ کرنے کی واردات پیش آئی ہے، جس کے بعد لاریوں پر موجود  جانوروں کو راستے پر ہی آزاد چھوڑ کر  اُنہیں بھگائے جانے کی بھی اطلاع ...

بی جے پی نے جھوٹ اور غلط بیانی سے ہم کو شکست دی ہے: پرمود مادھو راج

غیر متوقع طور پر اپنے ہم جماعت اور بی جے پی امیدوار رگھو پتی بھٹ سے شکست کھانے کے بعد سابق کانگریسی ایم ایل اے پرمود مادھو راج نے کانگریسی کارکنان سے خطاب کرتے ہوئے کہا کہ بی جے پی نے منصوبہ بند طریقے سے جھوٹ اور غلط بیانی کے سہارے انہیں شکست دی ہے۔

بنٹوال میں ٹپر ٹرک کی ٹکر سے موٹر بائک سوار ہلاک۔ دوسراشدید زخمی

نیشنل ہائی وے 75پر ٹول ناکے کے قریب پیش آنے والے حادثے میں ایک ٹپر ٹرک نے موٹر بائک کو ٹکر ماردی جس کے نتیجے میں بائک سوار موقع پر ہی ہلاک ہوگیا جبکہ بائک کی پچھلی سیٹ پر سوار شخص شدیدزخمی ہوگیا اور اس کی حالت بہت ہی نازک بتائی جارہی ہے۔

موڈبیدری میں شراب کے نشے میں دھت ڈرائیور کی وجہ سے سیریل ایکسیڈنٹ۔تین زخمی 

گاندھی نگر میں ایک شراب کے نشے میں دھت ڈرائیور نے دو مقامات پر گاڑیوں کو ٹکر ماری جس کی وجہ سے تین افراد زخمی ہوگئے ۔ موصولہ رپورٹ کے مطابق کیرالہ کا رہنے والا ساجو کمارنشے کی حالت میں جیپ ڈرائیو کرتے ہوئے منگلورو سے موڈبیدری کی طر ف آرہا تھا۔

کیوبا میں مسافر طیارہ گر کر تباہ، 110 افراد ہلاک

کیوبا میں سرکاری فضائی کمپنی کا مسافر طیارہ ایئرپورٹ کے قریب گر کر تباہ ہوگیا جس کے نتیجے میں 110 افراد ہلاک اور 3 زخمی ہوگئے۔اطلاعات کے مطابق کیوبا کی قومی فضائی کمپنی کیوبن ایوی ایشن کا مسافر طیارہ دارالحکومت ہوانا کے جوز مارٹی بین الاقوامی ہوائی اڈے کے قریب گر کر تباہ ہوا۔

امریکی شہر سانتافے کے ایک ہائی اسکول میں طالب العلم نے شروع کی فائرنگ، نو طلبہ سمیت 10 ہلاک

امریکی ریاست ٹیکساس کے ایک ہائی  اسکول میں اُسی اسکول کے ایک طالب العلم  نے اندھا دھند فائرنگ شروع کردی جس کے  نتیجے میں ایک اسکول ٹیچر سمیت 10 طلبہ ہلاک اور متعدد زخمی ہوگئے پولیس نے بعد میں حملہ آور طالب العلم  کو گرفتار کرلیا۔ جس کی شناخت ڈیمیٹروس پگورٹزیز  کی حیثیت سے کی ...