بھٹکل:ترقی کے لئے پرانی روایات کے پابند نہیں رہیں گے :تہنیتی جلسہ میں مرکزی وزیر اننت کمار ہیگڈے

Source: S.O. News Service | By Abu Aisha | Published on 11th September 2017, 8:17 PM | ساحلی خبریں |

بھٹکل:11/ستمبر (ایس اؤنیوز)ترقی کا پیمانہ صرف بنیادی سہولیات تک محدود رہتاآیاہے، معاشی ، سماجی ، ثقافتی ترقی کے متعلق کوئی غور و فکر نہیں ہورہی ہے، ہماری حکومت ترقی کے لئے پرانی روایات کی پابند نہیں ہونے کا مرکزی اسکل ڈیولپمنٹ وزیر اننت کمار ہیگڈے نے خیال ظاہرکیا۔

وہ یہاں بھٹکل کے شری ناگ یکشا ہال میں بھٹکل بی جے پی شاخ کی جانب سے تہنیتی جلسہ میں شرکت کرتے ہوئے خطاب کررہے تھے۔ مرکزی وزیر ’’کچھ لوگ سمجھ رہے ہونگے کہ اننت کمار کو وزارت کا عہدہ ملنے کے بعد وہ بدل جائیں گے ، لیکن میری کرسی بدلی ہے ، اننت نہیں بدلاہے، اننت کے جسم میں وہی خون دوڑ رہاہے، میں کبھی بدلنے والا نہیں ہوں ‘‘کہتے ہوئے اپنا خطاب شروع کئے مرکزی وزیر نے سامعین کے تالیوں کے دوران کہاکہ میں روایات کا پابند نہیں ہوں ، روایات کے خلاف ہی کام کرتاہوں، میڈیا والے جو چاہے سمجھیں ، مجھے جو کرنا ہے وہی کرونگا، میں کسی اورکے راستے پر نہیں چلتا۔ اس طرح اپنی پرانی یادیں تازہ کرنے کے بعدبقیہ پورا وقت اپنی وزارت کے منصوبوں کا تفصیلی خاکہ پیش کرنےپرزور دیا۔ انہوں نے کہاکہ یہاں ہمیشہ مزدوروں کے لئے کام ہے ، ینگ انڈیا وزیر اعظم نریندر مودی کا خواب ہے ۔مہارت اور قابلیت کو ترجیح دیتے ہوئے آئی اے ایس، آئی پی ایس کی طرح انڈین اسکل ڈیولپمنٹ سرٹیفکٹ (آئی ایس ڈی ایس)کی سند دی جائے گی۔ملک بہت ابتر حالات میں ہے ، بہت ساری ریاستوں میں لوگ ایک وقت کی روٹی کے ترس رہے ہیں، ملک کے کروڑوں نوجوانوں کے خواب کو پورا کرنے کاکام کرنے کی بات کہی۔

متعینہ تنخواہ کے ساتھ حکومت 25فی صد رقم اسکل یعنی مہار ت کے شعبہ والے طلبا کو دے گی۔ ہمارے طئے شدہ منصوبے کو عملی جامہ پہنانے کے لئے ایک سال کا عرصہ چاہئے ، اس کے بعد تمام حساب کتاب کے ساتھ دوبارہ آپ کے سامنے آئیں گے اور کہا کہ آئندہ انتخابا ت میں ہمارا یہی ایجنڈا ہوگا۔ اپنی سیاسی داخلے کو لے کر کہاکہ میں کبھی سیاست میں نہیں آنا چاہتاتھا لیکن ڈاکٹر چترنجن اور ان کی بیوی کی وجہ سے سیاست میں آیا۔ ایم پی ہونے کے بعد بھی 2مرتبہ میں نے استعفیٰ دیااس وقت بھی اٹل بہاری واجپئی اور ایل کے اڈوانی نے ماننے سے انکار کیا۔ اب میری چاہت کے بغیر وزیر کا عہدہ ملا ہے ، بھگوان کا پرساد سمجھ کر قبول کرنے کی بات کہی۔

سابق وزیر شیوانند نائک نے خطاب کرتے ہوئے کہاکہ 5بار ایم پی بننے اننت کمار ہیگڈے کو بہت پہلے وزیر کا عہدہ ملنا تھا نریندر مودی کی قیادت والی حکومت میں انہیں وزیر کا عہدہ ملنا ضلع کے لئے خوش قسمتی کی بات ہے۔ نچلی مکی وینکٹ رمن مندر انتظامیہ کے صدر ایم آر نائک نے بھی خطاب کیا۔ ڈائس پر ضلع بی جے پی صدر کے جی نائک، سابق رکن اسمبلی جے ڈی نائک، ایم جی نائک، ہریش چندرکامت، امیش نائک، پرمیشور دیواڑیگا، وینکٹ رمن کولکی، کسان بلسے وغیرہ موجود تھے۔ بھٹکل بی جےپی صدر راجیش نائک ن افتتاحی کلمات پیش کئے تو سبرائے دیواڑیگا نے استقبال کیا اور دھنیا کمار جین نے شکریہ اداکیا۔

ایک نظر اس پر بھی

لوک آیوکتہ ایس پی اور ڈپٹی ایس پی کااُترکنڑا دورہ : 25جولائی کو تشریف لائیں گے بھٹکل

 اترکنڑاضلع لوک آیوکتہ کے پولس سپرنٹنڈنٹ ، ڈپوٹی ایس پی جولائی 23سے 26جولائی تک ضلع کے مختلف تعلقہ جات کا دورہ کرتے ہوئے عوام سے شکایات وصول کریں گے۔ بھٹکل میں 25جولائی کی دوپہر 3بجے 30-04بجے تک عوام سے ملاقات کرنےکی جانکاری پریس ریلیز کے ذریعے دی گئی ہے۔

یلاپور بس اسٹائنڈ کی خستہ حالی پر عوام کا احتجاج؛ نئے بس اسٹائنڈ کی تعمیر کا کام تیزی کے ساتھ کرنے کا مطالبہ

ضلع اُترکنڑا کے یلاپور میں عوام نے بس اسٹائنڈ کی خستہ حالی پر سخت ناراضگی ظاہر کرتے ہوئے نئے بس اسٹائنڈ کی تعمیر کا کام تیز رفتاری کے ساتھ انجام دینے کا مطالبہ کیا ہے۔

منگلورو ہوائی اڈے سے حج زائرین کی پروازوں کا آغاز : کابینہ وزیر ضمیر احمد خان کی زائرین سے دعا کی درخواست

منگلورو وہوائی اڈے سے حج کو جانے والے زائرین کو ریاستی کابینہ کے وزیر ضمیر احمد خان نے بجپے انصار اسکول کے صحن سے انہیں وداع کرتے ہوئے کہا کہ وہ اپنے مبارک سفر کے دوران ملک ، ریاست کی بہتری و ترقی اور ملک کے ہندو ، مسلم ، عیسائی ، سکھ سمیت تمام باشندوں کے درمیان بھائی چارگی ، ...

گوکرن میں سانپ کے ڈسنے سے کسان ہلاک

کمٹہ تعلقہ کے گوکرن میں کھیت میں  کام کرنے کے دوران  سانپ کے ڈسنے سے  ایک کسان ہلاک ہوگیا جس کی شناخت  کرشنا بیرو گوڈا  کی حیثیت سے کی گئی ہے۔