دہشت گردوں کو بھٹکل سے مالی تعائون دیا جارہا ہے؛ بی جے پی صدر یڈی یورپا کا الزام ؛ منکال وئیدیا کے تشہیری بینر پر بی جے پی نے اُٹھائے سوالات

Source: S.O. News Service | By Abu Aisha | Published on 14th November 2017, 5:05 AM | ساحلی خبریں |

بھٹکل:13/ نومبر (ایس اؤنیوز)ملک بھر میں انجام دئیے جانے والے بم دھماکوں کو بھٹکل سے مالی تعاون دیا جارہا ہے، اس بات کا سنگین  الزام   بی جے پی ریاستی صدر یڈیورپا نے لگایا۔ پیر کو بھٹکل میں عوامی اجلاس سے خطاب کرتے ہوئے انہوں نے کہاکہ بھٹکل سے ہی تخریبی کارروائیوں کو شہ دی جارہی ہے۔ بم دھماکوں کے لئے آر ڈی ایکس روانہ ہوتاہے۔ آگے کہا کہ  دہشت گردی کے خلاف ہم سب کو بیدار رہنے کی ضرورت ہے ۔  یڈی یورپا نے ریاستی حکومت پر الزام عائد کیا کہ ساحلی پٹی پر  غداری کے کاموں پر روک لگانے میں حکومت  ناکام ثابت ہوئی ہے۔ 

سرسی کے رکن اسمبلی وشویشورہیگڈے کاگیری نے خطاب کرتے ہوئے شہر بھر میں لگائے گئے منکال وئیدیا کے تشہیری بینرس  پر سخت تنقید کرتے ہوئے کہاکہ  منکال وئیدیا جو  ترقی کی باتیں کررہے  ہیں وہ صرف بینرس  اور کاغذ پر  ہی ہیں بھٹکل کی سرزمین پر کسی طرح کے ترقیاتی کام نہیں کئے گئے ہیں۔

مرکزی وزیر اننت کمار ہیگڈے نے بھی رکن اسمبلی کو تنقید کا نشانہ بناتے ہوئے کہاکہ منکال وئیدیا 1ہزار کروڑ روپیوں کو بھٹکل میں لانے اور  ترقیاتی کاموں کا جو دعویٰ کررہے ہیں، وہ مکمل جھوٹ ہے ۔ انہوں نے منکال وئیدیا کو مخاطب کرتے ہوئے کہا کہ وہ  کانکھول کر سن لے کہ اگلے ودھان سبھا انتخابات میں بھٹکل میں بی جے پی کی جیت یقینی ہے۔

کمار بنگارپا نے جے ڈی ایس پر وار کرتے ہوئے کہاکہ جے ڈی ایس ہمیشہ مارکیٹنگ کی سیاست کرتی ہے۔ انہوں نے جے ڈی ایس کو صرف عارضی اور وقتی فائدے کے لئے کام کرنے والوں کی پارٹی قرار دیا۔ انہوں نے کہاکہ ساحلی پٹی پر کہیں بھی جے ڈی ایس کی کوئی بنیاد نہیں ہے انہوں نے بھی دعویٰ کیا کہ  اگلے اتنخابات میں ضلع کے تمام حلقوں میں بی جےپی کی جیت  یقینی ہے۔

 

ایک نظر اس پر بھی

اُڈپی میں بائک کو ٹکر دے کر فرار ہونے والے ٹمپو ڈرائیور پرچار سال بعد عدالت نے عائد کیا 2500 روپیہ جرمانہ

اُڈپی چیفسیویل جج اینڈ چیف میجسٹریٹ  فرسٹ کلاس عدالت نے  ایک ٹمپو ڈرائیور پر بائک کو  ٹکر دے کر فرار ہونے کے جرم میں 2500 روپیہ جرمانہ عائد کیا ہے اور رقم نہ بھرنے کی صورت میں اُسے چھ ماہ کی جیل کی سزا سنائی ہے۔

اُڈپی میں مویشیوں کے بیوپاری حُسین ابّا کے قتل کے معاملے میں گرفتار تین ملزموں کو ملی ضمانت؛ آٹھ کی ضمانت نامنظور

مویشیوں کے بیوپاری حُسین ابا کے قتل کے معاملے میں گرفتار دو لوگوں  پولس ہیڈ کونسٹیبل  موہن کوتوال اور بجرنگ دل لیڈر پرساد کونڈاڈی کی ضمانت عرضی کو    اُڈپی سیشن کورٹ نے  منظور کرلیا ہے اسی طرح ایک اورفرار شدہ بجرنگ دل کارکن  توکارام  کی  پیشگی ضمانت بھی منطور کرلی ہے۔

منگلورو کے قریب پُتور میں ہندو خاتون کی آخری رسومات ادا کرنے جب رشتہ داروں نے ساتھ چھوڑا تو آگے آئے مسلم نوجوان

منگلور میں ہندو۔مسلم بھائی چارہ کی شاندار مثال اُس وقت  دیکھنے کو ملی جب ایک  ہندو نوجوان کی52سالہ بہن کی دل کا دورہ پڑنے سے  موت واقع ہوگئی۔ان کی آخری رسومات کیلئے جب اُس کے رشتہ داروں نے منہ موڑا تو ایسے وقت میں مسلم نوجوان آگے آتے ہوئے اُس کی بھرپور مدد کی۔

بھٹکل کے ایک پٹرول پمپ میں پٹرول کی جگہ پانی بھرنے کی واردات کے بعد ایک گرفتار

کار کی ٹنکی میں پٹرول کے بجائے پانی  بھرنے  کے الزام میں پولس نے  پیر کو ایک شخص کو گرفتار کرلیا ہے جس کی شناخت  فہمان (35) کی حیثیت سے کی گئی ہے۔ پولس نے ملزم کو گرفتار کرنے کے بعد عدالت میں پیش کیا ہے جہاں سے اُسے  جوڈیشیل کسٹڈی میں  کاروار جیل بھیج دیا گیا ہے۔

یلاپور میں بائیک پھسل گئی، دو شدید زخمی

یلاپور 17 جون (ایس او نیوز) ضلع اتر کنڑا کے یلاپور نیشنل ہائی وے 63 پر ایک بائیک تیز رفتاری کے ساتھ پھسلنے کے نتیجے میں بائیک پر سوار دو لوگ بری طرح زخمی ہو گئے۔ جن کی شناخت ہبلی گنیش پیٹ کے رہنے والے محمد شاہد موراک (21) اور محمد نعیم (23) کی حیثیت سے کی گئی ہے۔

بھٹکل: مرڈیشور سمندر میں ڈوبنے والے ایک سیاح کو لائف گارڈ نے دی نئی زندگی

تعلقہ کے سیاحتی مقام مرڈیشور میں آج بنگلور کے ایک سیاح کو لائف گارڈ نے   ڈوبنے سے بچالیا اور ایک نئی زندگی عطا کی جس کی شناخت  یوراج (36) کی حیثیت سے کی گئی ہے۔ وہ بنگلور کے سری رام پورا کا رہنے والا ہے۔