بھٹکل میں بی جےپی کا روڈ شو : ہیگڈے نے منکال پر لگایا الزام، کہا: بھٹکل میں دہشت گردپناہ لینے کے بائوجود انکار کررہے ہیں رکن اسمبلی؛ کانگریس کو کہا دیش دروہی

Source: S.O. News Service | Published on 10th May 2018, 9:50 PM | ساحلی خبریں | ریاستی خبریں |

بھٹکل 10/مئی (ایس او نیوز) انتخابی پرچار کے آخری دن آج جمعرات کو  بھٹکل میں بی جے پی اُمیدوار سنیل نائک کی حمایت میں مرکزی وزیر اور اشتعال انگیز بھاشن دینے میں بدنام  ضلع کے ایم پی آننت کمار ہیگڈے نے  ہمیشہ کی طرح جھوٹے دعوے کرتے ہوئے کہا کہ  اس زمین پر دہشت گرد پناہ لینے کے بائوجود یہاں کے رکن اسمبلی جھوٹ بولتے ہوئے اس بات کا انکار کرتے ہیں، اس لئے یہ انتخابات اب عوامی بغاوت ہے اور یہ  کھلی بغاوت کانگریس کے خلاف  ہوگی۔

آننت کمار ہیگڈے نے ہمیشہ کی طرح اپنا پرانا لاگ الاپتے ہوئے کہا کہ  بھٹکل کے دہشت گردوں نے  سارے ملک کے سکھ چین کوبرباد کردیا تھا  اب  اس کا جواب عوام کو بھٹکل سے ہی دینا  ہے اور  پورے ملک کے عوام کو اعتماددلانا ہے کہ بھٹکل کے متعلق تمہیں فکر کرنےکی ضرورت نہیں ہے کیونکہ  بھٹکل میں  جواب دینے کی  طاقت ہے۔ ہیگڈے نے ہندوستانی مسلمانوں کا نام لئے بغیر مگر اُنہیں  نشانے پر لیتے ہوئے کہا کہ ہندوستان میں رہنا ہے  تو جئے شری رام کہنا ہوگا۔

 پرانے بس اسٹانڈ سے نکلا روڈ شو رنگین کٹا پہنچ کر انتخابی جلسہ میں منتقل ہوا۔ جہاں اننت کمار ہیگڈے نے حسب معمول خطاب کرتے ہوئے کہاکہ  اب ہمیں ایک ایسا موقع ملا ہے جس کے ذریعے   ہم بی جےپی اور اس کے امیدوار سنیل نائک کو جیت دلاسکتے ہیں۔ دیش دروہی کانگریس کے ازالے کے لئے سنیل نائک کے حق میں بی جے پی کارکنان کام کررہے ہیں، انہی کے ذریعے سنیل نائک کو جیت ملے گی ۔اننت کمار نے بھاشن میں کہاکہ دراصل ہمارا مقصد  بنگلورو میں بی جے پی کی سرکار بنانا اور بھگوا پرچم لہرانا ہے۔ ہمارے خوابوں ، امیدوں ، تمناؤں کو پوراکرنا ہے ترقی چاہئے تو سب سے پہلے بی جے پی کو جیت دلانا ہوگا۔ ہماری جیت ہی ملک کے غداروں، کانگریس اور رشوت خوروں کو جواب ہوگا۔انہوں نے کہا کہ  کانگریس کو جڑ سے اکھاڑ پھینکنا ہے ، جب تک ہم کانگریس اور یہاں کے رکن اسمبلی کو اکھاڑ نہیں  پھینکیں گے ہمیں چین نہیں ملے گا۔

پرانے بس اسٹانڈ سے روڈ شو نکلنے سے پہلے بی جے پی لیڈر کرشنا نائک آسارکیری نے خطاب کیا۔روڈ شو میں ہزاروں بی جےپی کارکنان شریک تھے۔ اس موقع پر ہوناور منکی منڈل صدر سبرائے نائک، بھٹکل صدر راجیش نائک، شیوانی شانتارام، گنپتی نائک جالی ، سبرائے دیواڑیگا، پرمود جوشی، ایشور این نائک وغیرہ موجود تھے۔

ایک نظر اس پر بھی

بھٹکل کے مرڈیشور میں جانوروں سے بھری دو لاریوں پر نام نہاد گئو رکھشکوں کا حملہ ؛ لاری ڈرائیور اور کلینر کی بری طرح پیٹائی

یہاں مرڈیشور نیشنل ہائی وے پر جانوروں سے بھری دو لاریوں کو روک کر  لاری ڈرائیور اور کلینر کی بری طرح پیٹائی کرتے ہوئے دونوں لاریوں میں زبردست  توڑ پھوڑ کرنے کی واردات پیش آئی ہے، جس کے بعد لاریوں پر موجود  جانوروں کو راستے پر ہی آزاد چھوڑ کر  اُنہیں بھگائے جانے کی بھی اطلاع ...

بی جے پی نے جھوٹ اور غلط بیانی سے ہم کو شکست دی ہے: پرمود مادھو راج

غیر متوقع طور پر اپنے ہم جماعت اور بی جے پی امیدوار رگھو پتی بھٹ سے شکست کھانے کے بعد سابق کانگریسی ایم ایل اے پرمود مادھو راج نے کانگریسی کارکنان سے خطاب کرتے ہوئے کہا کہ بی جے پی نے منصوبہ بند طریقے سے جھوٹ اور غلط بیانی کے سہارے انہیں شکست دی ہے۔

بنٹوال میں ٹپر ٹرک کی ٹکر سے موٹر بائک سوار ہلاک۔ دوسراشدید زخمی

نیشنل ہائی وے 75پر ٹول ناکے کے قریب پیش آنے والے حادثے میں ایک ٹپر ٹرک نے موٹر بائک کو ٹکر ماردی جس کے نتیجے میں بائک سوار موقع پر ہی ہلاک ہوگیا جبکہ بائک کی پچھلی سیٹ پر سوار شخص شدیدزخمی ہوگیا اور اس کی حالت بہت ہی نازک بتائی جارہی ہے۔

موڈبیدری میں شراب کے نشے میں دھت ڈرائیور کی وجہ سے سیریل ایکسیڈنٹ۔تین زخمی 

گاندھی نگر میں ایک شراب کے نشے میں دھت ڈرائیور نے دو مقامات پر گاڑیوں کو ٹکر ماری جس کی وجہ سے تین افراد زخمی ہوگئے ۔ موصولہ رپورٹ کے مطابق کیرالہ کا رہنے والا ساجو کمارنشے کی حالت میں جیپ ڈرائیو کرتے ہوئے منگلورو سے موڈبیدری کی طر ف آرہا تھا۔

کرناٹک میں پہلی بار مسلم نائب وزیراعلیٰ، آج کمار سوامی کی دہلی میں سونیا اور راہل سے ملاقات

کرناٹک کے وزیراعلیٰ کے طورپر حلف برداری سے قبل جے ڈی ایس لیڈر ایچ ڈی کمار سوامی پیر کے روز نئی دہلی میں کانگریس لیڈروں سونیاگاندھی اور راہل گاندھی سے ملاقات کریں گے اور حکومت کی تشکیل کے سلسلہ میں تبادلہ خیال کریں گے۔ ریاست کے 25ویں وزیراعلیٰ کے طورپر حلف برداری کے لیے تیار ...

یڈی یورپا کے استعفیٰ پر کانگریس اورجنتا دل سیکولر میں خوشی کی لہر

ضلع کانگریس کمیٹی گلبرگہ کے قائیدین اور کارکنان ہفتہ کی شام دفتر ضلع کانگریس کے اطراف جمع ہوگئے اور انھوں نے بی جے پی لیڈر بی ایس یڈی یورپا کی بحیثیت چیف منسٹر اپنے عہدہ سۂ مستعفی ہوجانے پر خوشیاں منائیں ۔

ہمیں اپنی چھٹیوں سے لطف اندوزہونے دیجئے : جسٹس سیکری

کرناٹک میں اقتدار کو لے کر تنازعہ پر سماعت مکمل کرتے ہوئے سپریم کورٹ نے آج کہا کہ اب ہمیں اپنی چھٹیوں سے لطف اندوز ہونے دیجئے۔ عدالت عظمیٰ میں تین ججوں کے ایک بنچ کی صدارت کر رہے جسٹس اے کے سیکری نے جب عجیب انداز میں یہ تبصرہ کیا اس وقت عدالتی کمرہ قہقہوں سے گونج اٹھا۔

کرناٹک سیاسی بحران: یہ آئین اور دستور کی جیت ہے :ملی کونسل

کرناٹک میں جاری سیاسی ہنگامہ آرائی پر آج پہلی مرتبہ ملک کی معروف تنظیم آل انڈیا ملی کونسل کے جنرل سکریٹری ڈاکٹر محمد منظور عالم نے اپنے ردعمل کا اظہا رکرتے ہوئے کہاکہ مرکز میں برسر اقتدار بی جے پی حکومت نے وہاں دستور کی دھجیاں اڑانے کی کوشش کی تھی