بھٹکل میں بیفا کے زیر اہتمام 3روزہ ریاستی سطح کے فٹ بال ٹورنامنٹ کا آج سے ہوا آغاز: 20ٹیموں کی شرکت

Source: S.O. News Service | By Abu Aisha | Published on 21st April 2017, 9:21 PM | ساحلی خبریں | اسپورٹس |

بھٹکل:21/اپریل(ایس اؤنیوز)بھٹکل انٹر فٹ بال اسوسی ایشن (بیفا)کے زیر اہتمام سہ روزہ ریاستی سطح کے فٹ بال ٹورنامنٹ کا آج جمعہ کی شام صنعت کار عزیز الرحمن برماور کے ہاتھوں افتتاح کیا گیا۔

بیفاکے ریاستی سطح کے اس ٹورنامنٹ میں ریاست کے مختلف مقامات کی کل 20ٹیمیں حصہ لے رہی ہیں، جس میں بنگلور، باگل کوٹ، منڈگوڈ، کاروار، اُڈپی اور بیلگام کی ٹیمیں اہم  ہیں۔  اتوار کو ٹورنامنٹ کا فائنل میچ ہوگا اور ٹورنامنٹ جیتنے والی ٹیم کو 33,333 روپیہ مع ٹرافی سے نوازا جائے گا۔

افتتاحی تقریب سے خطاب کرتے ہوئے مہمان خصوصی وینکٹیش پٹگار نے تعلیم کے ساتھ ساتھ نوجوانوں کو کھیلوں میں بھی شریک ہونے کو ضروری قرار دیا اور کہا کہ اسپورٹس کے ذریعے ہی نوجوان ایک دوسرے کے قریب آسکتے ہیں ، محبت اور بھائی چارگی میں اضافہ ہوسکتا ہے ، انہوں نے کہا کہ آج کل انٹرنیٹ اور موبائل آنے کے بعد بچے اور نوجوان اپنا پورا وقت موبائل پر ہی برباد کررہے ہیں، انہوں نے تشویش کا اظہار کرتے ہوئے کہا کہ اس سے صحت بھی متاثر ہورہی ہے اور لوگ ایک دوسرے سے انجان بنتے جارہے ہیں۔ انہوں نے بیفا کے ذمہ داران کی سراہنا کی کہ وہ نوجوانوں کو ایک پلیٹ فارم پر لاکر اُنہیں دنیا کا  سب سے زیادہ معروف کھیل فٹ بال سے متعارف کرارہے ہیں  اور اب ریاستی سطح کا ٹورنامنٹ بھی منعقد کرتے ہوئے نوجوانوں کو آگے بڑھنے کا موقع فراہم کیا ہے۔

اس موقع پر بنگلور سے تشریف فرما اپنے دور میں اتھیلیٹ کی دنیا میں نام کمانے والے مدثر ائیکری نے خطاب کرتے ہوئے کہا کہ آج کل جدھر دیکھو، ہر طرف نوجوان کرکٹ کے پیچھے نظر آتے ہیں، انہوں نے بیفا کے ذمہ داران کی سراہنا کی کہ انہوں نے بھٹکل میں فٹ بال کی شروعات کی اور اُن کی اچھی تربیت کرتے ہوئے نوجوانوں کو فٹ بال کھیل کی طرف بھی راغب کرایا۔ 

بیفا کے سکریٹری معاویہ محتشم نے استقبال کیاتو آحد محتشم نے نظامت کے فرائض ادا کرتے ہوئے شکریہ اداکیا۔ بھٹکل مسلم یوتھ فیڈریشن کے سابق جنرل سکریٹری مولانا ایس ایم عرفان ندوی نے پروگرام کی صدارت کی۔ اسٹیج پر جے ڈی ایس لیڈر عنایت اللہ شاہ بندری  سمیت ، صنعت کار امان اللہ  و دیگر لوگ بھی  موجود تھے۔

ایک نظر اس پر بھی

بھٹکل کے ایک پٹرول پمپ میں پٹرول کی جگہ پانی بھرنے کی واردات کے بعد ایک گرفتار

کار کی ٹنکی میں پٹرول کے بجائے پانی  بھرنے  کے الزام میں پولس نے  پیر کو ایک شخص کو گرفتار کرلیا ہے جس کی شناخت  فہمان (35) کی حیثیت سے کی گئی ہے۔ پولس نے ملزم کو گرفتار کرنے کے بعد عدالت میں پیش کیا ہے جہاں سے اُسے  جوڈیشیل کسٹڈی میں  کاروار جیل بھیج دیا گیا ہے۔

یلاپور میں بائیک پھسل گئی، دو شدید زخمی

یلاپور 17 جون (ایس او نیوز) ضلع اتر کنڑا کے یلاپور نیشنل ہائی وے 63 پر ایک بائیک تیز رفتاری کے ساتھ پھسلنے کے نتیجے میں بائیک پر سوار دو لوگ بری طرح زخمی ہو گئے۔ جن کی شناخت ہبلی گنیش پیٹ کے رہنے والے محمد شاہد موراک (21) اور محمد نعیم (23) کی حیثیت سے کی گئی ہے۔

بھٹکل: مرڈیشور سمندر میں ڈوبنے والے ایک سیاح کو لائف گارڈ نے دی نئی زندگی

تعلقہ کے سیاحتی مقام مرڈیشور میں آج بنگلور کے ایک سیاح کو لائف گارڈ نے   ڈوبنے سے بچالیا اور ایک نئی زندگی عطا کی جس کی شناخت  یوراج (36) کی حیثیت سے کی گئی ہے۔ وہ بنگلور کے سری رام پورا کا رہنے والا ہے۔

دبئی ۔مینگلور ایئر انڈیا فلائٹ کوچی ایئر پورٹ کی طرف موڑ دیا گیا۔ عید کے لئے مینگلور پہنچنے والے مسافروں نے کیا رن وے پر احتجاج

دبئی سے آنے والی ایئر انڈیاایکسپریس فلائٹ AIE 814کومنگلورو ایئر پورٹ کے بجائے کوچی ایئر پورٹ پر لینڈ کرانے سے ناراض مسافروں نے کوچی ایئر پورٹ کے رن وے پر احتجاجی مظاہرہ کیا اور ایئر انڈیا کے کوتاہی اور غفلت پر سخت برہمی کا اظہار کیا۔

بیندوراوتینانی میں پہاڑی کا کھسکنا شاہراہ کی تعمیراتی کمپنی کے لئے دردِسر۔ حل تلاش کرنے کمپنی پہنچی راگھویندرا مٹھ میں!

نیشنل ہائی وے توسیعی منصوبے کے تحت بیندور کے وتّی نینی علاقے میں پہاڑکو کاٹ کر راستہ بنانے کا کام رکاوٹوں کا شکار ہوتاجارہا ہے کیونکہ یہاں بار بار پہاڑی چٹانیں کھسکنے کے واقعات پیش آرہے ہیں۔ حالانکہ ٹھیکیدار کمپنی اس سے پہلے پنچاب، کشمیر اور ممبئی وغیرہ میں بہت ہی کٹھن حالات ...

اُڈپی میں بجرنگ دل کارکنوں کے حملہ میں ہلاک ہونے والے حسین ابّا کی موت کا سبب سر پر لگنے والی چوٹ۔ پوسٹ مارٹم رپورٹ میں انکشاف

ہیری اڈکا پولیس اسٹیشن کی حدود میں پیراڈور کے مقام پر مویشیوں کے تاجر حسین ابّا اور اس کے ساتھیوں کی گاڑی روک کر پولیس اور بجرنگ دل کارکنان کی ملی بھگت سے 30مئی کو صبح کی اولین ساعتوں میں جو حملہ ہوا تھا اوراس کے بعد ایک پہاڑی علاقے سے حسین ابا کی لاش برآمد ہوئی تھی اس معاملے کی ...

وارنر آسٹریلیا ،انگلینڈ ون ڈے سیریز میں کمنٹری کریں گے

ایک برس کی پابندی کا شکار آسٹریلوی کرکٹر ڈیوڈ وارنر آسٹریلیا اور انگلینڈ کی ٹیموں کے درمیان ہونے والی ون ڈے سیریز میں کمنٹری کریں گے۔ڈیوڈ وارنر سمیت اسٹیو اسمتھ اور کیمرون بین کرافٹ بال ٹیمپرنگ ایشو میں پابندی کا سامنا کر رہے ہیں۔

شکیب الحسن نے انٹرنیشنل کرکٹ میں سنگ میل عبور کر لیا

بنگلہ دیش کے اسٹار کرکٹر شکیب الحسن نے اپنے انٹرنیشنل کرکٹ کیریئر میں 500 وکٹیں مکمل کرلیں، شکیب الحسن ٹیسٹ، ون ڈے اور ٹی ٹوئنٹی تینوں فارمیٹس میں 10ہزار سے زائد رنز اور 500 یا زائد وکٹیں لینے والے دنیا کے تیسرے آل راونڈر بن گئے۔

مصر کے شائقین کو زخمی صلاح سے کافی امیدیں

مصر کے سپر اسٹار فٹ بالر محمد صلاح نے ورلڈ کپ کی فائنل ٹریننگ میں بھرپور شرکت کی، وہ پر امید ہیں کہ میگا ایونٹ کے پہلے میچ میں یوروگوائے کے خلاف ایکشن میں ہوں گے ۔