بھٹکل:12 اکتوبر (ایس اؤنیوز)تعلقہ کے بیلکے میں منعقدہ ضلع سطح کے ہائی اسکول کھیل مقابلوں میں بیلکے ہائی اسکول کے 3طلبا ریاستی سطح کے لئے منتخب ہوگئے ہیں۔
3000میٹر کی دوڑ میں یوراج موگیر ، ہرڈلس میں پوجا نائک اورشطرنج مقابلے میں انوشا نائک نے ضلعی سطح کے مقابلہ جات میں اول مقام حاصل کیاہے۔ ان طلبا میں سے انوشا نائک نے لگاتار تیسری مرتبہ ریاستی سطح کے شطرنج مقابلوں میں منتخب ہوئی ہیں۔ طالبات کے زمرےمیں 4x100 ریلے میں دوم مقام حاصل کیا ہے۔ ان تمام طلبا کو اور انہیں تربیت دینے والے فزیکل ٹیچر پرکاش شرالی کو اسکول انتظامیہ ترقی بورڈ کے صدر اور بھٹکل رکن اسمبلی منکال وئیدیا سمیت ممبران اور صدرمدرس ، اساتذہ نے مبارکباد پیش کی ہے۔