بھٹکل اولڈ بس اسٹانڈ کے قریب واقع پبلک چبوترے کو لے کر آٹوڈرائیور مالکان نے پیش کیا تحصیلدار کو میمورنڈم
بھٹکل:5/ فروری (ایس اؤنیوز) بھٹکل رکشہ ڈرائیور اور مالکان کی سنگھا نے شہر کے پرانے بس اسٹانڈ کے قریب واقع سرکاری زمین جو پبلک چبوترے کے نام سے معروف ہے۔ پر کسی غیر کو پروگرام منعقد کرنے کی سہولت نہ دینے کا مطالبہ کیا ہے۔
بھٹکل تحصیلدار کو میمورنڈم سونپتے ہوئے سنگھا کا کہنا ہے کہ رکشا ڈرائیور اورمالکان ٹرسٹ کی طرف سے پرانے بس اسٹانڈ کے قریب والے میدان میں گذشتہ 36برسوں سے گنیش اتسوا پروگرام منایاجاتا ہے۔ متعلقہ جگہ پر بھگتوں نے آٹوڈرائیوروں اور مالکان سے چندہ جمع کرکے اپنے لئے ایک سہولیات سے آراستہ ڈائس اور گنیش کی مورتی نصب کرنے کے لئے خصوصی مسند تعمیر کی ہے ۔ لیکن حالیہ دنوں میں دیکھا جارہاہے کہ متعلقہ ڈائس والی جگہ دیگر طبقات کے پروگراموں کے لئے زیادہ استعمال ہورہیہے ، جس سے ڈائس کو نقصان پہنچا ہے۔ ڈرائیورسنگھا نے مطالبہ کیا ہے کہ آئندہ دنوں میں غیروں کو یہ جگہ استعمال کرنے کا موقع نہ دیا جائے۔ اگر متعلقہ جگہ پر پروگرام کرنا ہی ہے تو دوسرا عارضی ڈائس بنا کر استعمال کرے ، جس سے ہمیں کوئی اعتراض نہیں ہوگا۔ اس موقع پر آٹودرائیور مالکان سنگھا کے گنپتی نائک، وسنت شٹی ، وینکٹ رمن نائک، مادیو نائک،کرشنا ہارنگدے ، پرمیشور نائک، منجوناتھ نائک وغیرہ موجود تھے۔
واضح رہے کہ متعلقہ جگہ سرکاری زمین ہے اور سرکاری زمین عوام کی ملکیت کہلاتی ہے ۔