بھٹکل کے بائیلور میں پرانی دشمنی کو لے کر حملہ کرنے کا الزام :پولس تھانے میں شکایت درج
بھٹکل:18/اگست (ایس اؤنیوز)پرانی دشمنی کو لے کر راستے میں مارپیٹ اور رقم وغیرہ چھین کر جان سے مارنےکی دھمکی دینے کا واقعہ تعلقہ کے بائیلور پنچایت حدود کے مڈکیری میں پیش آیاہے۔
موصولہ اطلاعات کے مطابق واسو نائک نے پولس میں شکایت درج کرواءی ہے کہ وہ مڈکیری راستے سے پیدل جارہاتھا تو پرانےدشمن بائیلور پنچایت کے صدر منجوناتھ منجپا نائک ، اس کی بیوی بے بی اور بچے تنوجا، منوج اور پڑوسی بال چندر ہیگڈے نے گالی گلوج کرتے ہوئے اس کے ساتھ مارپیٹ کی ، جیب میں موجود نقد رقم اور گلے کی چین چھین لینے اور جان سے مارنے کی دھمکی دی۔
مرڈیشور پولس تھانے میں معاملہ درج کیا گیا ہے اور مرڈیشور اے ایس آئی نے کیس درج کرلینے کے بعد جانچ شروع کردی ہے۔