بھٹکل:9/اگست (ایس اؤنیوز)گلمی علاقے کے تلسی داس پربھو کے گھر پر ’’برہماکمل ‘‘ نسل کے کل 23پھول بیک وقت کھلنے اطراف کا پورا ماحول معطر کردیاہے اور اس حسین منظر کو دیکھنےکےلئے کئی لوگ جو ش میں ہیں۔ چمیلی کے لئے عالمی سطح پر مشہور بھٹکل کا اب برہما کمل کی خوشبو سے بھی نام ہوگا۔

گھر کے صحن میں موجود برہما کمل کے پودے میں شام ہوتے ہی پھول کھلنے کے آثار نظر آئے توگھروالوں کے ساتھ علاقہ کے عوام بھی پھول کھلنے کے منظر کو دیکھنے کے لئے انتظارمیں بیٹھے رہے۔ رات میں جب بیک وقت 23پھول کھلے تو لوگ قدرتی منظر سے خوشی ومسرت حاصل کی۔ پھولوں کے کھلنے سے خوشبو آہستہ آہستہ علاقہ میں پھیلتی چلی گئی تو اور بھی لوگ جمع ہوکر منظر سے لطف لیا۔ برہما کمل نامی پھول رات ہوتے ہی کھلنا شروع ہوتاہے اور قریب رات 12بجے تک اپنی خوشبو سے ماحول کو معطر کرنے کے بعد مرجھانے کی بات کہی جارہی ہے۔