انجمن کے موظف پرنسپال ڈاکٹر ضمیر اللہ شریف 21ویں ضلعی کنڑا ادبی اجلاس کے صدر منتخب

Source: S.O. News Service | By Abu Aisha | Published on 20th November 2018, 12:28 AM | ساحلی خبریں | ان خبروں کو پڑھنا مت بھولئے |

بھٹکل:19؍نومبر (ایس او نیوز)یلاپور میں 22اور23ڈسمبر 2018کو منعقد ہونے والے اترکنڑا ضلع کے 21ویں کنڑا ادبی اجلاس کے لئے انجمن ڈگری کالج اینڈ پی جی سنٹر بھٹکل کے موظف پرنسپال اور  ریاست کے مشہور و معروف کنڑا شاعر، ادیب، نقاد اورکالم نگار ڈاکٹر ضمیر اللہ شریف کو بطور صدر منتخب کیا گیا ہے ۔

اتوارکو سرسی میں ضلعی کنڑا ساہتیہ پریشد کے صدر اروند کرکی کوڑی کی صدارت میں منعقدہ اترکنڑا ضلعی مجلس عاملہ کی میٹنگ میں یہ فیصلہ لیاگیا۔ میٹنگ میں کنڑا پریشد کے ضلعی خازن ڈاکٹر ضمیر اللہ کا نام پیش کیا گیا تو ہلیال تعلقہ کنڑا پریشد کے صدر اوپیندر گھورپڑے نے توثیق کی۔ ضلعی اجلاس کے صدر کے لئے کنڑا کے سنئیر ادیب ڈاکٹر ضمیر اللہ شریف کے ساتھ شانتی نایک، شاردا بھٹ، گوپال کرشنا ہیگڈے ، ناگیش ہیگڈے کے نام پیش ہوئے تھے۔ ان میں ڈاکٹر ضمیر اللہ شریف کے حق میں زیادہ ممبران نے رائے دی تو صدر کرکی کوڑی نے21ویں کنڑا ضلعی صدر کے طورپر ڈاکٹر شریف کے نام کا اعلان کیا۔

میٹنگ میں پریشد کے اعزازی سکریٹری گنگا دھر کولگی ، شاردا بھٹ، امرت رام رتھ، تعلقہ صدر ڈاکٹر شری دھر کمٹہ، ناگراج مالکوڑ سداپور، وینو گوپال یلاپور، پرکاش بھاگوت سرسی، ڈاکٹر پرکاش نایک یلاپور، ناگراج ہیگڈے یلاپور، ناگراج ہرپنہلی کاروار موجود تھے۔

صدرِ اجلاس کا تعارف : ڈاکٹر ضمیر اللہ شریف ٹمکور ضلع کورٹگیری میں 1951میں پیدا ہوئے۔ والد کنڑا اسکول کے مدرس تھے۔ کنڑا میں ایم اے کرنے کے بعد پی ایچ ڈی کی ڈگری حاصل کی اور انجمن ڈگری کالج اینڈ پی جی سنٹر بھٹکل میں بطورپروفیسر 28برس اور پرنسپال کی حیثیت سے 4برس خدمات انجام دے کر سبکد وش ہوئے۔ بھٹکل میں ادب سے یک جہتی اور خیر سگالی  کا  محرک لے کر بھٹکل چمیلی میں ادب کی خوشبو پھیلانے میں اہم رول ادا کئے ہیں۔ 4طلبا نے ان کی رہنمائی میں پی ایچ ڈی کی ڈگری حاصل کی ہے۔ بطور شاعر ان کے پانچ مجموعے شائع ہوئے ہیں جن میں ’شامیانہ ‘کو ریاستی سطح کے لنکیش ایوارڈ سے نوازاگیاہے۔ اس کے علاوہ تبصرے ، تنقیدی مضامین ، اخبارات میں تبصرے،قواعد، سیاحتی مقامات، کہانیاں  وغیرہ پر مشتمل کل 15تصنیفات کنڑا ادب کا گراں قدر سرمایہ ہیں ، جن میں ابوالکلام آزاد، گونڈ تہذیب، نوائط وغیرہ اہم مانی جاتی ہیں۔

ڈاکٹر ضمیر اللہ شریف کا 21ویں کنڑا ادبی اجلاس کے لئے صدر کی حیثیت سے منتخب ہونا بھٹکل کے لئے فخریہ لمحہ ہے۔ اس موقع پر ادارہ ساحل آن لائن ان کی خدمت میں مبارکباد پیش کرتاہے۔

ایک نظر اس پر بھی

کاروار : نجومی اور جوتشی سے اپنے مستقبل کو معلوم کرنے کے بجائے اپنی سوچ وفکر کو بدلیں  : کروالی اتسوا میں کرشماتی ماہر ڈاکٹر ہولیکل نٹراج  

دنیا میں فریب،دھوکہ عام بات ہے مگر دھوکہ کے جال میں پھنسنا بڑی بےو قوفی اور غلط بات ہے۔ گھر توڑ کر واستو(توہم پرستی کے چلتے گھر کے دروازے اور کھڑکیوں کے رخ کو متعین کرنےو الا نجوم ) صحیح کرنے کے بجائے اپنی ذہنی سوچ وخیال کو بدل لیجئے۔ کرشموں کا کچا چٹھا نکالنےمیں ماہر ڈاکٹر ...

کاروار : کراولی میاراتھان کا تین زمروں میں مقابلہ : سائمن اور ارچنا اول

اترکنڑا ضلع میں ہرسال منائے والے’ کروالی اتسوا‘کی مناسبت سے اتوار11ڈسمبر 2018 کو ساحل ِ سمندر رابندر ناتھ ٹیگور بیچ پر منعقدہ ’’کروالی رن میاراتھان‘‘(21کلو میٹر) کے مردوں کے زمرے میں سوڈان کے سائمن   اور خواتین کے زمرے  میں میسور کی ارچنا  نے وال مقام حاصل کیا ہے۔

’کراولی اتسوا‘میراتھن میں افریقہ 2کھلاڑیوں نے حاصل کیا اول اور دوم مقام۔ مختلف تفریحی پروگراموں سے شائقین ہوئے لطف اندوز

’کراولی اتسوا‘ کی مناسبت سے رویندرا ناتھ ٹیگور بیچ پر منعقدہ میراتھن دوڑ میں افریقہ کے دو کھلاڑیوں نے بازی ماری۔21 کیلو میٹر کی دوڑ میں سوڈان کے سیمون نے اول مقام اور کینیا کئے پیٹیر نے دوم مقام حاصل کیا ۔ جبکہ تیسرا مقام بنگلورو کے ننجو ڈپّا کو ملا۔خواتین کی میراتھن دوڑ میں ...

پڑوسی ریاست کیرالہ کے کنّور میں انٹرنیشنل ائرپورٹ کا شاندار افتتاح؛ کیرالہ واحد ریاست جہاں ہیں چار انٹرنیشنل ائرپورٹ

ڑوسی ریاست کیرالہ کے کنّور میں انٹرنیشنل ائرپورٹ کا شاندار افتتاح عمل میں آیا جس کے ساتھ ہی کیرالہ پورے ملک میں واحد ریاست  بن گیا جہاں چار انٹرنیشنل ائرپورٹ قائم ہیں۔

کاروار : نجومی اور جوتشی سے اپنے مستقبل کو معلوم کرنے کے بجائے اپنی سوچ وفکر کو بدلیں  : کروالی اتسوا میں کرشماتی ماہر ڈاکٹر ہولیکل نٹراج  

دنیا میں فریب،دھوکہ عام بات ہے مگر دھوکہ کے جال میں پھنسنا بڑی بےو قوفی اور غلط بات ہے۔ گھر توڑ کر واستو(توہم پرستی کے چلتے گھر کے دروازے اور کھڑکیوں کے رخ کو متعین کرنےو الا نجوم ) صحیح کرنے کے بجائے اپنی ذہنی سوچ وخیال کو بدل لیجئے۔ کرشموں کا کچا چٹھا نکالنےمیں ماہر ڈاکٹر ...