بھٹکل:10/اکتوبر(ایس اؤ نیوز) ٹاٹاکنسلٹنسی کمپنی کی طرف سے دھارواڑ کے ڈاکٹر پاٹل پٹپا ہال میں منعقدہ  ریجنل رورل آئی ٹی کوئز میں انجمن پی یوکالج بھٹکل کے طلبا نے اچھی  کارکردگی کا مظاہرہ پیش کیا ہے۔

10اکتوبر 2018بروز بدھ کو دھارواڑ کے ڈاکٹر پاٹل پٹپا آڈیٹوریم میں ٹاٹاکنسلٹنسی کے زیر اہتمام ریجنل رورل ہائی اسکول اور کالج طلبا کے لئے آئی ٹی کوئز کا انعقاد ہوا۔ جس میں پی یواول سائنس کے عابد حسین ایف اے ابن عبدالرحمن ایف اے اور ولید منیری ابن عبدالملک منیری نے بہتر کارکردگی کا مظاہرہ پیش کرتےہوئے  5واں مقام حاصل کیا۔جنہیں انعام کے طورپر ٹی شرٹ اور بیاگ تقسیم کئے گئے۔

 ریاست بھر سے کل 500طلبا آئی ٹی کوئز میں شریک ہوئے تھے۔ انجمن پی یوکالج بھٹکل کی طرف سے کل تین ٹیمیں شریک ہوئی تھیں۔ جس میں امان اللہ ڈونا ابن اسحاق ڈونا، فرحان ائیکری ابن وجیہ الدین اکرمی کی ایک ٹیم تواحمد عریش صدیقی ابن عمران صدیقی ، عبداللہ عبادہ وزیر ابن فیاض وزیر کی دوسری ٹیم تھی۔کالج کے شعبہ کمپیوٹر سائنس کے لکچرر فیضان سکری اور ریاضی کے غسان نے طلبا کی رہنمائی کی۔ کامیاب اور شریک ہوئے تمام طلبا کو انجمن کے عہدیداران ، پرنسپال، لکچرر حضرات نے مبارکبا دی پیش کی ہے۔