بھٹکل :25/ستمبر(ایس اؤ نیوز)انجمن پی یو کالج بھٹکل کی 3طلبا ٹیمیں کاروار کے بال مندر ہائی اسکول میں منعقدہ ٹاٹا کنسلٹنسی انٹرکالج ابتدائی آئی ٹی کوئز مقابلے میں اپنی بہترین کارکردگی کامظاہرہ کرتے ہوئے ریجنل لیول کے لئے منتخب ہوئی ہیں۔ 10 اکتوبر کو دھارواڑ میں منعقد ہونے والے ریجنل لیول میں کالج کی ٹیمیں شرکت کریں گی۔
انجمن پی یوکالج کی طرف سے کوئز مقابلے میں کل 3ٹیمیں شریک ہوئی تھیں، ہر ٹیم 2طلبا پر مشتمل تھی۔ بڑی مسرت کی بات ہے کہ کالج کی تینوں ٹیموں نے بہترین پرفارمنس کرتے ہوئے ریجنل لیول کے لئے منتخب ہوئی ہیں۔ نمبر ایک ٹیم پی یو اول شعبہ کامرس کے فرحان ابن وجیہ الدین اکرمی ، پی یواول سائنس کے امان اللہ ڈونا ابن اسحق ڈوناپر مشتمل تھی تو نمبر دو ٹیم پی یو اول سائنس کے عابدحسن ایف اے ابن عبدالرحمن ایف اے اور ولید منیری ابن عبدالمالک منیری اور تیسری ٹیم پی یو اول سائنس کے ہی احمد عریش صدیق ابن عمران صدیق اور عبداللہ عبادہ وزیر ابن فیاض وزیر پر مشتمل تھی۔ طلبا کی تیاری اور رہنمائی میں کالج کے کمپیوٹر سائنس کے لکچرر فیضان سکری نے اہم کردار ادا کرتے ہوئے ان کے ساتھ رہے۔ ریاضی کے لکچرر غسان نے ان کا بھرپورتعاون کیا۔ طلبا کی بہترین کارکردگی پر انجمن کے عہدیداران، ممبران، پرنسپال محمد یوسف کولاسمیت لکچرر حضرات اور طلبا نے مبارکبادی پیش کرتےہوئے نیک خواہشات کا اظہار کیا ہے۔