بھٹکل 24/جون (ایس او نیوز) بھٹکل انجمن انجینرنگ کالج کی چوتھے سمیسٹر میں زیرتعلیم  طالبہ سنیہا پی نائک  نے لگاتار تین سمیسٹرس میں میتھس سبجیکٹ میں سو نمبرات میں پورے سو نمبرات حاصل کرتے ہوئے نہ صرف کالج میں اول نمبر سے کامیاب ہوئی ہیں بلکہ یونیورسٹی لیول پر بھی اول مقام حاصل کیا ہے

انجمن انجینرنگ کالج کے پرنسپال مشتاق احمد باوی کٹے نے بتایا کہ اگر یہ طالبہ   چوتھے سمیسٹر میں بھی لگاتار میتھس میں سو فیصد مارکس حاصل کرتی ہے تو یہ پوری ریاست کرناٹک میں ریکارڈ ہوگا۔ انہوں نے بتایا کہ ویشوریا ٹیکنیکل  یونیورسٹی میں اب تک کسی بھی اسٹوڈینٹ نے ایسا ریکارڈ قائم نہیں کیا ہے، اور اس طرح لگاتار میتھس میں سو فیصد مارکس حاصل کرکے  ریکارڈ قائم کرنے والی پوری یونیورسٹی میں یہ پہلی طالبہ ہے۔

سنیہا کا تعلق بھٹکل کے مندلی سے ہے، اس کی بہترین کامیابی پر اُس کے والد پانڈو نائک اور والدہ سشیل نائک نے نہایت مسرت کا اظہار کیا ہے اور توقع ظاہر کی ہے کہ اگلے سمیسٹرس میں بھی اس کی  نمایاں نمبرات سے کامیاب ہونے کا سلسلہ جاری رہے گا۔

اس موقع پر انجمن انتظامیہ اور پرنسپال کی طرف سے طالبہ کو مبارکباد پیش کی گئی ہے۔