بھٹکل انجمن ڈگری کالج کے پروفیسر رویندر کائی کنی کو پی ایچ ڈی کی ڈگری
بھٹکل: 28؍اکتوبر (ایس او نیوز) انجمن ڈگری کالج اینڈ پی جی سنٹر بھٹکل کے شعبہ کامرس کے لکچرر پروفیسر رویندر کائی کنی کو جئے پور کی جے جے ٹی یونیورسٹی نے ڈاکٹر آف فلاسفی (پی ایچ ڈی ) کی ڈگری تفویض کی ہے۔
رویندر کائی کنی نے منگلورو یونیورسٹی شعبہ کامرس کے پروفیسر اور سابق رجسٹرار ڈاکٹر پی ایس یڈپڈیتایا اور ہوناور ایس ڈی ایم کالج شعبہ کامرس کے صدر ڈاکٹر ونایک بھنڈاری کی رہنمائی میں ’’اے اسٹڈی آف ایمپلوئی انوالمنٹ اینڈ ایمپاورمنٹ ان لائف انشورنس کارپوریشن آف انڈیا ان اترکنڑا ڈسٹرکٹ‘‘ کے موضوع پر اپنا مقالہ تحریر کرکے جئے پور کی جے جے ٹی یونیورسٹی کو پیش کیاتو یونیورسٹی نے مقالے کو قبول کرتے ہوئے انہیں پی ایچ ڈی کی ڈگری عطا کی ہے۔