انجمن طالبات نے پھر کیا بھٹکل کا نام روشن؛ یونیورسٹی لیول پر بہترین تعلیمی کارکردگی : امسال رینکنگ کے ساتھ ملے گا گولڈ میڈل بھی
بھٹکل:20/ جنوری (ایس اؤنیوز)انجمن حامئی مسلمین بھٹکل کے زیرا ہتمام چلنے والی انجمن کالج فار ویمن کی طالبات سابقہ روشن کارکردگیوں کو جاری رکھتے ہوئے امسال بھی بھٹکل کا نام روشن کیا ہے۔ اکّا مہا دیوی ویمنس یونیورسٹی وجئےپورہ کے سال 2017مئی اور جون کےماہ میں منعقدہ بی کام اور بی ایس سی فائنل کے امتحانات میں انجمن کی طالبات نے نہ صرف ٹاپ ٹین رینک میں مقام پایا ہے بلکہ کمپیوٹر سائنس مضمون میں ایک طالبہ امتیازی نمبرات کے ساتھ سونے کے تمغہ کی حق دار بھی قرار پائی ہے ۔
کالج پرنسپال کی طرف سے جاری کردہ پریس ریلیز کے مطابق بی کام فائنل کے امتحانات میں عائشہ ند ا بنت غلا م سرور نبی صدیق نےکل 3360نمبرات میں سے 3007نمبرات (89.49فی صد) شرح کے ساتھ کامیابی حاصل کرتے ہوئے چوتھا رینک حاصل کرنے میں کامیاب ہوگئی ہیں۔ جب کہ تابش بنت سید کلیم الدین مجاور نے 3360 نمبر ات میں 2968 مارکس (88.33فی صد)شرح کے ساتھ 9 واں رینک حاصل کیاہے ۔
شعبہ سائنس ،بی ایس سی فائنل کے امتحانات میں کیمسٹری (شعبہ کیمیاء) میں میگھا بنت ماستی گونڈا نے 640میں سے 518 نمبرات (80.94فی صد)شرح کامیابی کے ساتھ 5واں رینک حاصل کیا ہے۔
بی ایس سی کے ہی کمپیوٹر سائنس مضمون میں جن طالبات نے رینک حاصل کیا ہے ان کی تفصیل مندرجہ ذیل ہے۔
1۔ رابعہ بصری بنت حسن ہیگڈے 558/640 87.19فی صد (اول رینک)۔ گولڈ میڈل
2۔ عفر ہ کمال بنت ابراہیم کمال 532/640 83.13فی صد (دوسرارینک)۔
3۔جمانہ بنت محمد الیاس علی صاحب 522/640 81.56فی صد (چوتھارینک )
4۔ تہنیت بنت عمر فاروق سدی باپا 521/640 81.41فی صد (پانچواںرینک)
5۔ علی اکبرہ فرح زیبابنت عبداللہ 517/640 80.78فی صد ( چھٹارینک)
6۔ گلِ سمران بنت محمد یونس معلم 502/640 78.44فی صد (نواںرینک)
طالبات کی شاندار تعلیمی کارکردگی پر انجمن حامئی مسلمین بھٹکل کے صدر، جنرل سکریٹری، سکریٹری صاحبان، عہدیداران ، پرنسپال، اساتذہ سمیت محبان تعلیم نے طالبات کو مبارکبادی پیش کی ہے۔