بھٹکل: انجمن کالج آف ایجوکیشن کےشاندار 100فی صد نتائج : امتحان میں شریک تمام طلبا امتیازی نمبرات سے کامیاب
بھٹکل:12/اپریل (ایس او نیوز)انجمن حامئی مسلمین بھٹکل کے زیر سرپرستی چلنے والی انجمن کالج آف ایجوکیشن بھٹکل کےکرناٹکا یونیورسٹی دھارواڑ کی طرف سے منعقدہ 4سم کے امتحانا ت میں کالج کے تمام 32طلبا امتیازی نمبرات سے کامیاب ہوتے ہوئے ادارے ، کالج اور شہر کا نام روشن کردیا ہے۔
کالج پرنسپال ذکیہ سلطانہ زرزری کی طرف سے جاری کردہ پریس ریلیز کے مطابق کالج کی طرف سے کل 32طلبا بی ایڈ4سم کےامتحانات میں شریک ہوئے تھے۔ یونیورسٹی کی جانب سے اعلان کردہ نتائج کے مطابق کالج کے تمام 32طلبا امتیازی (Distinction)میں کامیاب ہونے کے نتیجےمیں کالج کا رزلت 100فی صد ہواہے۔ کالج کی سطح پر پہلے 6رینک حاصل کرنےو الے طلبا کی تفصیل کچھ اس طرح ہے ۔
1۔سندھیا دیوپا گڈیگ۔536نمبرات 2-سواتی ناگیش دیش بھنڈاری ۔528نمبرات
3۔ قمر النساء ۔524نمبرات 4۔ونیا شری دھر گوڈا۔522نمبرات
5۔کرن دیواڑیگا۔520نمبرات 6۔سدھا سکرپا نائک ۔518نمبرات
نتائج کے سلسلےمیں ساحل آن لائن سے بات کرتے ہوئے انجمن کے جنرل سکریٹری صدیق اسماعیل نے تمام طلبا،پرنسپال اور اساتذہ کو مبارکباد دیتے ہوئے کہاکہ انجمن کے ہرادارے میں بہتر سے بہتر اور معیاری تعلیم فراہم کرنے کی کوشش جاری ہے ۔ خاص کر انجمن وومنس کالج ، بی ایڈ، پی یووومنس کالج سمیت تمام اداروں کے نتائج میں سال بہ سال اضافہ ہورہاہے۔ہم اس پر اللہ کا شکر اداکرتے ہیں۔
اس موقع پر انجمن کےصدر عبدالرحیم جوکاکو، ایڈیشنل جنرل سکریٹری اسحق شاہ بندری ،کالج بورڈ سکریٹری آفتاب قمری ، انجمن کے عہدیداران ، کالج پرنسپال ذکیہ سلطانہ زرزری نے اساتذہ اور طلبا کو مبارکباد ی پیش کرتے ہوئے نیک خواہشات کا اظہار کیا ہے۔