بھٹکل انجمن کالج اور شری گیانیشوری کالج دونوں کی بی ایڈ میں صد فیصد کامیابی؛ انتظامیہ نے دی اسٹوڈینٹس کو مبارکباد
بھٹکل 4/ڈسمبر (ایس او نیوز) بی ایڈ میں بھٹکل کی دونوں کالجوں انجمن کالج آف ایجوکیشن اور شری گیانیشوری کالج آف ایجوکیشن نے صد فیصد کامیابی درج کرتے ہوئے تعلیم کے میدان میں بھٹکل کا نام پھر ایک بار روشن کردیا ہے۔ دونوں کالج انتظامیہ کی جانب سے اس تعلق سے پریس ریلیز جاری کرتے ہوئے تفصیلات فراہم کی گئی ہیں۔
بھٹکل انجمن کالج آف ایجوکیشن کی جانب سے جاری کی گئی پریس ریلیز کے مطابق جولائی 2018 میں کرناٹک یونیورسٹی دھارواڑ کے ذریعے ہوئے امتحانات میں فائنل سمیسٹر میں جملہ35 طلبہ شریک ہوئے تھے جس میں 31 نے امتیازی نمبرات سے کامیاب ہوئے ہیں، جبکہ دیگر چار طلبا فرسٹ کلاس سے کامیاب ہوئے ہیں۔ کالج میں ودیا شری گنیگا نے 87.33%,، ویدیا ای نائک نے 85.83% اور سہانا آننت نائک نے 85.5%, مارکس کے ساتھ کامیاب ہوئے ہیں۔
ریلیز کے مطابق بی ایڈ فرسٹ سمیسٹر میں بھی انجمن کے جملہ 34 طلبا میں سے 32 نے امتیازی نمبرات سے کامیابی حاصل کی ہیں اور دیگر دو نے فرسٹ کلاس سے کامیابی پائی ہے۔ اس میں فاطمہ غزالہ نے 88.83%، عاصمہ فیضان آرمار نے 86.83% اور شگوفہ شیخ نے 85.33% فیصد مارکس کے کالج میں اول،دوم اور سوم نمبرات سے کامیاب ہوئی ہیں۔
بھٹکل ایجوکیشن ٹرسٹ کے ماتحت چلنے والی شری گیانیشوری کالج آف ایجوکیشن نے پریس ریلیز جاری کرتے ہوئے بتایا ہے کہ ان کی کالج نے بھی بی ایڈ میں صد فیصد کامیابی درج کی ہے۔
ریلیز کے مطابق بی ایڈ فائنل سمیسٹر میں سنگیتا کے آر نے 91.17 فیصد، کویتا وشنو نائک نے 89.83فیصد اور اشونی شری دھر نائک اور فرزانہ شیلار دونوں نے 89.67 فیصد مارکس کے ساتھ اول،دوم اور سوم نمبرات سے کامیاب ہوئے ہیں۔ اسی طرح فرسٹ سمیسٹر میں ودیا شنکر نائک نے 87 فیصد، بھاگیہ شری نارائن نائک نے 85.83 فیصد اور شردھا دامودر نائک نے 85.33 فیصد مارکس کے ساتھ کامیاب ہوئے ہیں۔
کالج انتظامیہ اور پرنسپل کی جانب سے تمام کامیاب اور امتیازی نمبرات حاصل کرنے والے طلبا کو مبارکباد پیش کی گئی ہیں۔
