بھٹکل 7/جون (ایس او نیوز) انجمن حامئی مسلمین بھٹکل کے زیر ماتحت چلنے والے انجمن انسٹی ٹیوٹ آف مینجمنٹ اینڈ کمپوٹر اپلیکشن  میں  بیچلر آف بزنس ایڈمنسٹریشن( بی بی اے)  اوربیچلر آف کمپوٹر اپلیکشن (بی سی اے) کے فائنل امتحان (یعنی VI سمیسٹر)  میں طلبا نے شاندار پرفارمینس پیش کیا ہے۔ بی بی اے میں صرف ایک طالب العلم ناکام ہونے کی وجہ سے نتائج 97.56 فیصد  ریکارڈ کئے گئے ہیں تو بی سی اے میں  دو طلبا کی ناکامی کی وجہ سے نتائج 82 فیصد درج کی گئی ہے۔

انجمن کی جانب سے جاری کی گئی پریس ریلیز کے مطابق اپریل 2018 میں ہوئے بی بی اے کے فائنل امتحان میں جملہ 41 طلبا شریک ہوئے تھے، ایک اسٹوڈینٹ ناکام رہا جس کی وجہ سے نتائج  97.56 فیصد  ریکارڈ کی گئی ۔ جملہ 16بچوں نے امتیازی نمبرات یعنی  ڈسٹنکشن سے کامیاب ہوئے ہیں جبکہ 11 فرسٹ کلاس اور 13 سکینڈ کلاس سے کامیاب ہوئے ہیں۔ اس میں مریم ہیرا بنت ڈاٹا ارشادائیکری نے 93 فیصد  اوسط کے ساتھ شاندار کامیابی درج کرتے ہوئے پوری کالج میں  اول نمبر سے کامیاب ہوئی ہیں۔عرفات شبیر ہوڈیکر نے 84 فیصدکے ساتھ دوم نمبر پر اور اعجاز احمد نے 81 فیصد کے ساتھ تیسرے نمبر سے کامیاب ہوئے ہیں۔

بی سی اے میں جملہ گیارہ اسٹوڈینٹ امتحانات میں شریک ہوئے تھے جس میں نو کامیاب رہے۔ اس طرح کامیابی کا اوسط 82 فیصد رہا۔  کالج میں اقراء انجم  نے 88.75 فیصد اوسط کے ساتھ پوری کالج میں ٹاپ کیا ہے تو گُل مہک بنت مصدق قاضیا نے  87.37 فیصد اوسط کے ساتھ دوسرے نمبر سے کامیاب ہوئے ہیں ۔ زکوان احمد نے 86.62 فیصد کے ساتھ تیسری پوزیشن پائی ہے۔