بھٹکل  :23/اکتوبر(ایس او نیوز) انجمن انسٹی ٹیوٹ آف ٹکنالوجی اینڈ مینجمنٹ بھٹکل کے زیر اہتمام اکتوبر کی 26اور27تواریخ کو شعبہ میکانیکل انجنئیرنگ کے زیر انتظام ’’ رسنٹ ٹرینڈ اِ ن میکانیکل اینڈ الکٹریکل انجنئیرنگ ‘‘(دور حاضر میں میکانکل اور الکڑیکل انجنئیرنگ میں رجحانات ) کے موضوع پر دوروزہ نیشل لیول کانفرنس کا انعقاد کیا جائے گا، اس بات کی جانکاری کالج پرنسپال ڈاکٹر مشتاق احمد بھاوی کٹی نے دی ہے ۔

انجمن کالج میں منعقدہ پریس کانفرنس سے خطاب کرتے ہوئے پرنسپال نے بتایا کہ متعلقہ کانفرنس کے ذریعے طلبا کی صلاحیتوں کو فروغ دیتے ہوئے انہیں تحقیقی میدان کی طرف لے جانا مقصود ہے ۔ کانفرنس میں ملکی سطح کے مختلف کالجوں کے ماہرین میکانیکل اور الکٹریکل کے میدان میں جو نئے رجحانات کا پتہ چلا ہے اس پر تفصیلی روشنی ڈالیں گے۔ کانفرنس میں NITK سورتکل کے پروفیسر اور مانیٹ بھوپال کے سابق دائرکٹر ڈاکٹر اپّو کوٹّن کے کے ، مہمان خصوصی ہونگے ۔ انجمن کے نائب صد ر اول عبدالرحمن باطن صدارت کریں گےتو  انجمن کے جنرل سکریٹری صدیق اسماعیل اور ایڈیشنل جنرل سکریٹری محمد اسحاق شاہ بندری بھی موجود رہ کر رہنمائی کرنے کی اطلاع دیتے ہوئے بتایا  کہ یہ  کانفرنس ریسرچ اسکالر اور تعلیمی میدان میں دلچسپی لینے والوں کے لئے فائدہ مند  ثابت ہوگی  ۔

ا س سلسلے میں انجمن انجنئیرنگ کالج کے سکریٹری عبدالرحمن صدیقی نے  ساحل آن لائن سے بات کرتے ہوئے کہاکہ انتظامیہ اور کالج ذمہ داران کوشش کررہے ہیں کہ ملک بھر سے ریسرچ اسکالر اور ماہرین یہاں آئیں، اور امید جتائی کہ کانفرنس کے موضوع پر  40سے زائد تحقیقی مقالے پیش ہونگے ، ان تمام مقالات کو بین الاقوامی سطح کے جرنلس میں شائع کرانے کی بات کہی۔ اور بتایا کہ کانفرنس کے انعقاد سب اہم مقصد یہ ہے کہ ہماری اپنی کالج کے طلبا میں تحقیقی شوق و ذوق پیدا ہو، طلبا نئے نئے رجحانات کو سیکھنے اورریسرچ کے میدان میں آگے بڑھنے کا جذبہ پیداہو۔ اس موقع پر کانفرنس کے کنونیر اور میکانیکل شعبہ کے صدر ڈاکٹر کے فضل الرحمن ، پروفیسر انیل کڈلی، الکٹریکل شعبہ کے پروفیسر محمد اقبال وغیرہ موجود تھے۔