کاروار:6/ستمبر(ایس اؤ نیوز) مرکزی حکومت کے پردھان منتری جن وکاس منصوبے (پی ایم جے وی کے )کے لئے اترکنڑا ضلع کے  دوتعلقہ جات بھٹکل اور منڈگوڈ کو منتخب کیاگیا ہے۔

اقلیتوں کی فلاح وبہبودی کےلئے جاری کئے گئے ملٹی سیکٹورل ڈیولپمنٹ  پروگرام کا نام  بدل کر اب اس کو پردھان منتری جن وکاس پروگرام کانام دیا گیا ہے۔ جس کے تحت ریاست کے 29اضلاع میں سے 6تعلقہ جات اور 28شہروں کاانتخاب ہواہے ، جس میں  ضلع شمالی کینرا  کے دو  تعلقہ جات بھٹکل اور منڈگوڈ بھی شامل ہیں۔ منصوبہ کے تحت اقلیتوں کے سماجی، معاشی اور تعلیمی مسائل کا سروے کرکے رپورٹ دینے کےلئے ریاستی اقلیتی کمیشن کے ڈائرکٹر اکرم پاشا نے قومی قانون اسکولوں کے ڈائرکٹر کو  خط لکھا ہے۔