بھٹکل حنیف آباد میں اتی کرم کا الزام عائد کرتے ہوئے تعمیر شدہ گھر کاانہدام
بھٹکل:28/ نومبر (ایس اؤنیوز) ہیبلے گرام پنچایت حدود کے حنیف آباد علاقےمیں تعمیر کئے گئے گھر کو اتی کرم بتاتے ہوئے فاریسٹ محکمہ کے افسران نے گھر ڈھادینے کا واقعہ پیش آیاہے۔
بتایا جاتاہے کہ فاریسٹ محکمہ کی طرف سے 2مرتبہ گھروالوں کو ہدایات دی گئی تھیں کہ وہ گھر تعمیر نہ کریں۔ لیکن گھروالوں کی اس پر توجہ نہ دیتے ہوئے جمعہ کی رات گھر تعمیرکیا اور ایک عورت وہاں بسیرا کرنے لگی۔ اس سے قبل دو مرتبہ فاؤنڈیشن تک گھر کی تعمیر ہونے کے بعد فاریسٹ محکمہ نے نکال باہر کرکے انہیں سخت تاکید دی تھی کہ وہ گھر تعمیر نہ کریں۔ اس کے باوجود وہا ں گھر تعمیر کیاگیا تو پیر کو اے سی ایف بال چندر، آر ایف اؤ شنکر گوڈا اپنے عملے کے ساتھ پولس سکیورٹی کا انتظام کرتے ہوئے تعمیر شدہ گھر کو توڑ کر زمین بوس کردیا۔ اس موقع پر افسران نے بتایا کہ فاریسٹ کی طرف سے نئے گھروں کی تعمیر کو منظوری نہیں دی جائے گی اور پرانے گھروں کے معاملے میں کوئی مداخلت نہیں کریں گے۔
شبہ ظاہر کیاگیاہے کہ لینڈ مافیاراتوں رات گھروں کی تعمیر کرکے کسی کو لاکر وہاں بسادیتے ہیں۔ کچھ دنوں تک محکمہ کی سرگرمی اور کارروائی پر نگاہ رکھنے کے بعد اس کو فروخت کردیتے ہیں۔ اس طرح کی ہمیں خبریں ملی ہیں اسی لئے کسی کو بھی موقع نہیں دینے کا اے سی ایف بال چندر نے خیال ظاہرکیا۔