بھٹکل انجمن طالبہ مشفرہ شاہ بندری کی یونیورسٹی سطح پر شاندار کامیابی، 25ہزار طلبا کے درمیان حاصل کیا نواں رینک

Source: S.O. News Service | By Abu Aisha | Published on 13th March 2019, 2:01 PM | ساحلی خبریں | ان خبروں کو پڑھنا مت بھولئے |

بھٹکل 13/مارچ (ایس او نیوز)انجمن حامئی مسلمین بھٹکل کے زیر سرپرستی چلنے والی انجمن انسٹی ٹیوٹ آف ٹیکنالوجی اینڈ مینجمنٹ بھٹکل شعبہ ایم بی اے کی طالبہ مشفرہ بنت وقار احمد شاہ بندری نے یونیورسٹی  کی سطح پر نواں رینک حاصل کرتےہوئے نہ صرف انجمن انسٹی ٹیوٹ کا بلکہ اُس کے گاوں منکی  کا بھی نام روشن کردیا  ہے۔

کالج پرنسپال جناب مشتاق احمد باوی کٹے نے بتایا کہ پڑوسی علاقہ منکی سے تعلق رکھنے والی مشفرہ  شاہ بندری نے انجمن کالج میں 2016 میں ایم بی اے کے دوسالہ کورس میں داخلہ لیا تھا جبکہ 2018میں وشویشوریا ٹیکنکل یونیورسٹی بلگام کی طرف سے منعقدہ سالانہ امتحان میں اس نے بہترین نمبرات کے ساتھ کامیابی درج کی اور اپنے کل 4سمسٹروں میں سی جی پی اے کے مطابق 8.57فی صد کے ساتھ یونیورسٹی سطح پر نواں رینک حاصل کیا۔ مشفرہ نے ایم بی اے کے پہلے سم میں 8.33فی صد، دوسرے سم میں 8.33فی صد، تیسرے سم میں  8.65اور چوتھے سم میں 8.96فی صدنمبرات حاصل کئے ہیں، اس طرح سی جی پی اے کے مطابق ان چاروں سمسٹروں   کو ملا کر  مشفرہ نے کل 8.57فی صد نمبرات پانے میں کامیاب ہوئی ہیں۔ 

 ساحل آن لائن سے بات چیت کرتے ہوئے مشفرہ نے اپنی کامیابی کے لئے اپنے والدین اور اساتذہ کے ساتھ ساتھ اپنے مامو جناب ابومحمد مختصر کا  بھی بے حد شکریہ ادا کیا  جن کے ہر قدم پر   تعاون  اور حوصلہ آفزائی سے  وہ یونیورسٹی سطح پر اتنی اہم کامیابی حاصل کرنے میں کامیاب ہوئیں ہیں۔

خیال رہے کہ ویشویشوریا ٹیکنیکل یونیورسٹی میں  ریاست بھر کی دوسو سے زائد کالجس کے  کم و بیش 25 ہزار اسٹوڈینٹس  نے  امتحانات دئے تھے جس میں بہترین کارکردگی پیش کرتے ہوئے   نواں رینک حاصل کرنے پر ان کی چوطرفہ پذیرائی کی جارہی ہے۔

ان کی اس اہم کامیابی پر انجمن حامئی مسلمین بھٹکل کے صدر جناب عبدالرحیم جوکاکو، جنرل سکریٹری جناب  صدیق اسماعیل، دیگر عہدیداران اور پرنسپال ودیگر اسٹاف سمیت  قائد قوم جناب ایس ایم سید خلیل الرحمن،قومی سماجی ادارہ مجلس اصلاح و تنطیم کے  صدر جناب ایڈوکیٹ مزمل قاضیا، جنرل سکریٹری محی الدین الطاف کھروری،    کینرا مسلم خلیج کونسل کے جنرل سکریٹری   جناب ابومحمد مختصر ، منکی کمیونٹی دبئی کے  جنرل سکریٹری  جناب عابدین ابو حُسینا، محمد فیضان ساوڑا و دیگر  کئی ایک ذمہ داران کی جانب سے اُنہیں مبارکباد پیش کی گئی ہیں  اور مستقبل میں مزید کامیابیوں  کے لئے   دعائیں دی گئی ہیں۔

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔ 

اسمرتی ایرانی کے قریبی سابق پردھان کا گولی مار کر قتل ، علاقہ میں کشیدگی

اترپردیش کے امیٹھی میں ہفتہ دیر رات اسمرتی ایرانی کے قریبی سابق پردھان کا گولی مار کر قتل کردیا گیا ۔ اطلاعات کے مطابق جامو تھانہ حلقہ کے برولیا گاوں کے سابق پردھان سریندر سنگھ کو نامعلوم بدمعاشوں نے گولی مار کر موت کے گھاٹ اتار دیا ۔ بدمعاشوں نے واقعہ کو اس وقت انجام دیا جب ...

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...