بھٹکل:12/اپریل (ایس او نیوز)تعلقہ کے کوگتی نگر میں واقع سنہیا خصوصی اسکول میں شری گروسدھیندرا کالج کی جانب سے بچوں کو ترغیب دینے اور ان میں دلچسپی پیدا کرنےکے لئے اکٹیوا باکس کی تقسیم کی گئی ۔
اس موقع پر کالج کے پرنسپال شری ناتھ پائی نے بات کرتے ہوئے کہاکہ پرائمری اور ہائی اسکول کے طلبا کے لئے تیار کردہ باکس کی طرح ہی ان خصوصی بچوں کے لئے یہ باکس تیار کئے گئے ہیں تاکہ یہ بچے بھی غیر نصابی سرگرمیوں میں دلچسپی سے حصہ لے سکیں۔ اس موقع پر وکھیات پربھو، راگھویندر کامت اور صدر مدرسہ مالتی ادیاور ، اساتذہ وغیرہ موجود تھے۔