بھٹکل:23/مارچ(ایس اؤ نیوز)سرکارکی سرکش پالیسی کی وجہ سے آنگن واڑی ملازمین کے منصفانہ مطالبات پورے ہوئے بغیر یوں ہی التوا میں پڑے ہوئے ہیں، ریاستی گورنر مداخلت کرتے ہوئے حل کرنےکی مانگ لے کر جمعرات کی شام آنگن واڑی کارکنوں نے سی آئی ٹی یو لیڈر سبھاش کوپی کر کی قیادت میں بھٹکل اے سی کے ذریعے میمورنڈم سونپا۔

بنگلورو میں آنگن واڑی کارکنان  گذشتہ 3دنوں سے احتجاج کررہے ہیں، تمام پارٹیاں ، مختلف تنظیمیں ، ادارے ، میڈیا والے  اورعوام  پرزور مطالبہ کرنے کے باوجود حکومت کان دھرنے کو تیار نہیں ہے، سرکا ر کی غفلت والی پالیسی قابل مذمت ہے، اگر حکومت اپنے رویہ پر بضد رہتی ہے تو سی آئی ٹی یو کی قیادت میں مختلف تنظیموں کا تعاون لے کر سخت احتجاج کئے جانے کی دھمکی میمورنڈم میں دی گئی ہے۔ اس موقع پر ماستی نائک، گیتا نائک، سدھا بھٹ، پشپاوتی نائک، گجیندر شرالی، شانتی موگیر وغیرہ موجود تھے۔ اس سے قبل آنگن واڑی کارکنوں نے انجمن کالج روڈ سے احتجاجی ریلی نکالی ۔