بھٹکل :19؍نومبر (ایس او نیوز) تعلقہ کے بینگرے علاقہ کے سبھی آنگن واڑی مراکز کے بچوں نے بینگرے سومینمنے آنگن واڑی مرکز میں  اجتماعی طورپر یوم اطفال کا  پروگرام منایا۔ 

تعلقہ پنچایت ممبر وشنو دیواڑیگا نے پروگرام کا افتتاح کرنے کے بعد خطاب کرتے ہوئے کہاکہ آج کے یہ معصوم بچے ہی کل کے بہترین شہری بن کر معاشرے کی تعمیر کریں گے۔ سابق وزیر اعظم جواہر لال نہرو کے جنم دن کو یوم اطفال کی حیثیت سے منایا جانا دراصل نہروکو بچوں سے محبت و پیار کا اظہار ہے۔ اسی طرح ایسے پروگرام بچوں  کی قابلیت کو پہچان کر انہیں جلا دینے میں معاون ہونے کی بات کہی۔ بینگرے گرام پنچایت صدر وینکٹیا بھئیرو منے نے پروگرام کی صدارت کی۔ گرام پنچایت ممبر رام چندر نائک، آنگن واڑی کی نگراں کار شویتا وغیرہ موجود تھے۔ آشا بھٹ نے استقبال کیا تو مادیوی دیواڑیگا نے پروگرام کی نظامت کی۔