بھٹکل تعلقہ میں7 نئے پٹرول پمپ شروع کرنے کا سنہرا موقع : خواہش مند حضرات فوری آن لائن عرضی پُرکریں

Source: S.O. News Service | By Abu Aisha | Published on 6th December 2018, 8:23 PM | ساحلی خبریں |

بھٹکل:6؍ڈسمبر (ایس او نیوز) اترکنڑا ضلع میں پٹرول بنک کے مالک بننے کے  خواہش مندو ں کو حکومت نے سنہرا موقع فراہم کیاہے۔ اترکنڑا ضلع کے لئے کل 120نئے پٹرول بنک شروع کرنے کی منظوری دی ہے، بھٹکل تعلقہ میں کل 7پٹرول پمپ کی شروعات کے لئے آن لائن عرضی مطلوب ہے۔

جمعرات کی شام انڈین آئیل کارپوریشن کے مارکیٹنگ آفیسر آدتیہ اروند نے پرائیویٹ ہوٹل میں پریس کانفرنس کے ذریعے پٹرول بنک کے متعلق جانکاری دیتے ہوئے کہاکہ ملک میں آبادی کے اضافے کے ساتھ ہی ایندھن کے استعمال میں بھی بڑھوتری دیکھی جارہی ہے۔ ایک لحاظ سے پٹرول اور ڈیزل  کے استعمال میں بالترتیب  7اور9فی صد اضافہ ہواہے۔ ان حالات کو دیکھتے ہوئے مرکزی حکومت نے ملک بھر میں 5500نئے پٹرول بنکوں کی شروعات کے لئے منظوری دی ہے۔ جن میں انڈین آئیل کارپوریشن ، بھارت پٹرولیم اور ہندوستان پٹرولیم کمپنیوں کے ذریعے روزگار میں مواقع فراہم کرنا مقصود ہے۔

پٹرول بنک کی شروعات کے خواہش مند افراد متعلقہ ضروریات کو پورا کرنا لازمی ہے۔ دیہی علاقوں میں 20x20میٹر اور شہری سطح پر 35x40میٹر کی جگہ ہونا چاہئے۔ جس کے لئے 15لاکھ روپئے ناقابلِ واپسی فیس طئے کی گئی ہے۔ ایس ایس ایل سی میں کامیاب ،متعلقہ علاقہ میں اپنی ملکیت والی زمین نہیں بھی ہے تو  عرضی داخل کرسکتے ہیں البتہ عرضی منظور ہونے کے بعد متعینہ وقت کے اندر زمین کی ملکیت کوحاضر کرنا ضروری ہے۔ جس کے لئے آخری تاریخ 24ڈسمبر 2018ہے۔ آن لائن عرضی بھرنے کے لئے زیادہ سے زیادہ آدھا گھنٹہ درکار ہے۔ خواہش مند حضرات www.petrolpumpdealerchayan.in ویب سائٹ کے ذریعے مکمل جانکاری حاصل کرسکتےہیں۔ پریس کانفرنس میں کاماکشی پٹرول پمپ کے مالک ناگیش بھٹ، مرڈیشور شیوانی پٹرول پمپ کے رام کرشنا نائک موجود تھے۔

ایک نظر اس پر بھی

بھٹکل میں موسلادھار بارش؛ بندر روڈ پر کمپاونڈ کی دیوار گر گئی؛ بائک کو نقصان؛ بارش سے دو بجلی کے کھمبوں پر بھی درخت گرگئے

شہر میں گذشتہ کچھ دنوں سے بارش  کا سلسلہ جاری ہے، البتہ  پیر اور منگل کی درمیانی شب سے  آج منگل شام تک کافی اچھی بارش ریکارڈ کی گئی ہے، ایسے میں  شام کو  ایک مکان کے کمپاونڈ کی دیوار گرنے کی واردات بھی پیش آئی ہے۔

کاروار میں کرناٹکا جرنالسٹ یونین اترکنڑا کے زیراہتمام یکم جولانی کو ہوگا یوم صحافت کا ضلعی پروگرام

کرناٹکا جرنالسٹ یونین اترکنڑا ضلعی شاخ کے زیر اہتمام یکم جولائی کو ضلع پتریکابھون میں ’’یوم صحافت ‘‘ کا پروگرام منعقد کیا جائے گا جس میں سورنا نیوز کے کرنٹ آفیرس ایڈیٹر جئے پرکاش شٹی کو ہرسال دئیے جانے والا ’ہرمن موگلنگ ‘ریاستی ایوارڈ سے نوازا جائے گا۔

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...

جانوروں پر حکومت کی مہربانی۔اب دوپہر 12تا3بجے کے دوران رہے گی کھیتی باڑی کی مشقت پر پابندی

کھیتی باڑی اور دیگر محنت و مشقت کے کاموں میں استعمال ہونے والے مویشیوں پر ریاستی حکومت نے بڑے مہربانی دکھاتے ہوئے ایک سرکیولر جاری کیا ہے کہ گرمی کے موسم میں تپتی دھوپ کے دوران دوپہر 12سے 3بجے تک کسان اپنے جانوروں کو کھیت جوتنے یا دوسرے مشقت کے کاموں میں استعمال نہیں کرسکیں گے۔