بھٹکل:18/مئی (ایس اؤنیوز) سب سے زیادہ ارکان والی جالی گرام پنچایت کو حکومت نے ترقی دیتے ہوئے پٹن پنچایت کا درجہ دیاتو ہے لیکن نئی تشکیل شد ہ پنچایت کو ضروری عملہ ابھی تک فراہم کرنےکوئی اقدام نہیں کیا گیا ہے۔

جالی پٹن پنچایت میں فی الحال7لوگ خدمات انجام دے رہےہیں، جب کہ پنچایت میں 33عہدے خالی ہیں۔ عوام کاکہنا ہے کہ ایک چھوٹے سے کام کے لئے بھی ہفتوں چکر کاٹتے رہنا پڑتاہے اور انتظار میں آگے والے کام ہونہیں پاتے جس سے عوام کو کافی مشکلات کا سامناہے ، ان حالات کے پیش نظر جتنا جلد ہوسکے پنچایت کے خالی عہدوں کو بھرتی کرنے کی عوام مانگ کررہے ہیں۔ خیال رہے کہ جالی پنچایت میں 20ممبران ہیں لیکن چیف آفیسر جیسا اہم عہدہ ہی خالی ہے، بھٹکل بلدیہ کے ماحولیاتی انجنئیر وینکٹیش کارگزار چیف آفیسر کے طورپر خدمات انجام دےر ہے ہیں۔ رابطہ آفیسر، جونئیر انجنئیر جیسے ضروری عہدے خالی ہونے سے عوام پنچایت سے ہی بیزار ہوتے جارہے ہیں۔ عوام نے امید جتائی ہے کہ متعلقہ افسران اور عوامی نمائندے اس طرف فوری توجہ دے کر خالی عہدوں کی بھرتی کریں گے۔