بھٹکل :21؍جنوری (ایس او نیوز) فاریسٹ اتی کرم داروں کے مسائل ابھی جوں کے توں باقی رکھتے ہوئے کوئی حل نکل نہیں آنے پر 24جنوری کی صبح 30-10 بجے بھٹکل تعلقہ اتی کرم داروں کی میٹنگ انعقاد کئے جانے کی بھٹکل تعلقہ فاریسٹ اتی کرم ہوراٹ سمیتی کے صدر راما موگیر نے پریس ریلیز کے ذریعے جانکاری دی ہے۔

پریس ریلیز جاری کرتے ہوئے انہوں نےکہاہے کہ ضلع کے اتی کرم داروں کو ضلع انتظامیہ کی طرف سے انصاف نہیں مل رہاہے۔ ایک ہی میٹنگ میں بغیر کوئی وجہ بتائے  اتی کرم داروں کی  5000سے زائد عرضیوں کو ردکیا گیا ہے۔ ان حالات میں آئندہ اقدامات اٹھانے ہیں جدوجہد کو کس طرح آگے لے کر چلنا ہے اس تعلق سے سوچ بچار کرنے کے لئے میٹنگ بلائی گئی ہے۔کہاگیا ہے کہ مجوزہ میٹنگ میں ضلع اتی کرم دار سمیتی کے رویندر نائک اور مقامی وکیل دینکر پی بی شریک ہونگے۔ انہوں نے اتی کرم داروں سے اپیل کی ہے کہ وہ زیادہ سے زیادہ اس میٹنگ میں شریک ہوکر اپنی شکایات اور آراء سے نوازیں۔