بھٹکل میں گھر کی چھت سے لٹک کر پائی گئی جوان لڑکی کی لاش؛ خودکشی کا شبہ
بھٹکل 23/اکتوبر(ایس او نیوز) یہاں بیلکے کے مدگارکیری میں ایک جوان لڑکی کی نعش اُسی کے گھر کے ایک کونے میں چھت سے لٹکتی ہوئی پائی گئی، جس کی شناخت اشونی ملّیش نائک (22) کی حیثیت سے کی گئی ہے۔
اشونی پی یو سی تک تعلیم حاصل کرنے کے بعد اپنے ہی گھر میں کپڑوں کی سلائی کرکے اپنا اور گھروالوں کا پیٹ پال رہی تھی۔ اس کے والد اور والدہ مزدوری کرتے تھے، گھروالوں نے بتایا کہ وہ آج منگل صبح مزدوری کے لئے گھر سے باہر چلے گئے تھے جبکہ اس کی چھوٹی بہن شالنی کو اس نے مچھلیاں لانے بازار بھیج دیا تھا، جب گھر پر کوئی نہیں تھا تو اشونی نے اپنے ہی چوڑی دار کی اوڑھنی سے چھت سے لٹک کر خودکشی کرلی۔
خودکشی کی وجہ اب تک معلوم نہیں ہوسکی ہے۔
اطلاع ملتے ہی مضافاتی پولس جائے وقوع پرپہنچی اور لٹکتی ہوئی نعش کو نیچے اُتارتے ہوئے پوسٹ مارٹم کے لئے بھیج دیا۔
پولس مزید چھان بین کررہی ہے۔