بھٹکل اوراطراف کے 18 ماہی گیر ایران سرحد پر گرفتار؛ دبئی سمندر میں ماہی گیری کے دوران پیش آیا واقعہ؛ گھروں میں مچ گیا کہرام

Source: S.O. News Service | By I.G. Bhatkali | Published on 10th October 2018, 8:39 PM | ساحلی خبریں | ریاستی خبریں | خلیجی خبریں |

بھٹکل 10/اکتوبر (ایس او نیوز) بھٹکل اور اطراف کے جملہ 18 ماہی گیروں کو دبئی بحر عرب   میں مچھلیوں کا شکار کرنے کے دوران ایران سرحد پر گرفتار کرنے کی اطلاع آج  بدھ کو منظر عام پر آئی ہے جس کے بعد متعلقہ ماہی گیروں کے گھروں میں کہرام مچ گیا ہے۔گرفتار شدگان میں بھٹکل تینگنگونڈی کے چھ، مرڈیشور کے تین،  کمٹہ ہونلّی کے سات ، منکی ا ور شیرور کا ایک ایک ماہی گیر شامل ہیں۔  بتایا گیا ہے کہ ان سبھوں کو ایک بوٹ میں ہی قریب ڈھائی ماہ سے نظر بند رکھا گیا ہے۔

ساحل آن لائن سے گفتگو کرتے ہوئے  بوٹ میں نظر  بند  ایک ماہی گیر  نے وہاٹس ایپ پر  گفتگو کرتے ہوئے   بتایا کہ  تین  بوٹ پر جملہ 20 ماہی گیر  18 جولائی کو  دبئی بندر سے ماہی گیری کے لئے سمندر میں اُترے تھے، اس کے مطابق ہم لوگ ایران بورڈر کے قریب تھے، مگر ایران پولس نے ہمیں یہ کہہ کر اپنی تحویل میں لیا کہ ہم اُن کے بورڈر میں داخل ہوئے ہیں۔  اس  کے مطا بق  ان کے ساتھ بوٹ مالک شیخ محمد مروان بھی موجود ہے جس کا تعلق متحدہ عرب امارات سے ہے اور وہ   ان  ماہی گیروں کا اسپاونسرہے۔اس نے مزید بتایا  ان کا  اسپاونسر  شیخ محمد مروان نے  ایرانی حکام سے بات چیت کی تھی اور دبئی حکومت کو بھی واقعے کی جانکاری  دی تھی، سمجھا جارہا تھا کہ ایک دو روز میں   سبھوں کو رہا کردیا  جائے گا، مگر آج اور کل  کرتے کرتے آج گرفتاری کے  ڈھائی ماہ ہوچکے ہیں  لیکن ابھی تک رہائی نہیں ملی ہے۔ 

ابراہیم مُلا نے بتایا کہ  پندرہ ماہی گیروں کو  ایک ہی بوٹ میں نظر بند رکھا گیا ہے اور  وقت پر کھانا فراہم کیا جارہا ہے، مگر تین  ماہی گیروں کو  ایرانی پولس اپنے ساتھ لے گئی ہے، جنہیں غالباً ایران کے کسی جیل میں بند کیا گیا ہے۔

بوٹ پر موجودپندرہ  ماہی گیروں کی شناخت  مرڈیشور کے ابراہیم مُلا فقیرہ، محمد انصار اسماعیل باپو، نعیم حسن بھنڈی، کمٹہ کے یعقوب اسماعیل شامو،  الیاس امباجی، الیاس  گھارو، عنایت عبدالقادر شمسو، قاسم شیخ ، اجمل  موسیٰ شامو اور تینگنگونڈی سے خلیل پانی بُڈو، عبدل محمد حُسین، عثمان بمبئیکر اسحاق، محمد شریف یوسف باپو، عبداللہ سلیمان ڈانگی اور عتیق سلیمان گھارو کی حیثیت سے کی گئی ہے۔ دیگر تین ماہی گیر جن کا تعلق منکی اور شیرور سے ہے، اُن کے نام معلوم نہیں ہوسکے ہیں۔

دبئی میں ماہی گیری کے دوران گرفتار ہونے کی اطلاع جیسے ہی بھٹکل اور کمٹہ میں اُن کے متعلقین کو ملی تو گھروالے پریشان ہوگئے، مرڈیشور اور منکی کے ایک وفد نے  فوری طور پر بھٹکل پہنچ کر مجلس اصلاح و تنظیم کے نائب صدر جناب عنایت اللہ شاہ بندری سے رابطہ کیا اور  تمام گرفتار شدگان کی رہائی کے لئے تعاون کی اپیل کی۔ عنایت اللہ شاہ بندری نے  بھٹکل اسسٹنٹ کمشنر سمیت دبئی میں   موجود قائد قوم جناب ایس ایم سید خلیل الرحمن صاحب کو واقعے کی جانکاری دی اور    ان لوگوں کی مدد کرنے کی  درخواست کی۔  جناب ایس ایم سید خلیل الرحمن نے اس تعلق سے  دبئی میں انڈین ایمباسڈر کے ذریعے سبھی ماہی گیروں کو  فوری رہا کرانے ہرممکن  کوشش کرنے کی یقین دہانی کرائی ہے۔ مجلس اصلاح و تنظیم بھٹکل کی جانب سے  وزیر خارجہ سشما سوراج  سے بھی رابطہ کرکے  اُن کے ذریعے بھی رہائی کی کوششیں تیز کرنے کا کام جاری ہے۔

ایک نظر اس پر بھی

مرڈیشور ساحل پر ماہی گیروں اور انتظامیہ افسران کے درمیان پارکنگ جگہ کو لےکر تنازعہ: ماہی گیروں کا احتجاج  

مرڈیشور میں مچھلی شکار پیشہ کے لئے جگہ مختص کرنے اور ماہی گیر کشتیوں کو  محفوظ رکھنے کےلئے جگہ متعین کرنے کے متعلق   ماہی گیروں اور مقامی انتظامیہ کے درمیان پھر ایک بار تنازعہ پیدا ہوگیا ہے۔

بھٹکل محکمہ تحصیل کے عملے  نے   سیاہ پٹی باندھ کرانجام دیں خدمات : ’ بنگلورو چلو ‘احتجاج کی حمایت

کرناٹکا سروئیر،رونیو مینجمنٹ اور رجسٹرار ملازمین سنگھ (کرناٹکا راجیا بھوماپنا ، کندایا ووستھے متو بھو داخلیگل کاریانرواہک نوکررسنگھ  ) کی جانب سے مختلف مطالبات کو حل کرنےکی مانگ لے کر 4ستمبر کو منائی جارہی ’ بنگلورو چلو ‘ احتجاج کی حمایت میں بھٹکل کے مختلف محکمہ جات کے عملے ...

بھٹکل میونسپالٹی میں پلاسٹک پابندی کے متعلق میٹنگ : پلاسٹک کی تیاری پر ہی روک لگانے کی مانگ

بھٹکل میونسپالٹی حدود میں پلاسٹک پر پابندی  اور کچرا نکاسی کا مناسب انتظام کے متعلق میونسپالٹی افسران کی موجودگی میں بھٹکل مرچنٹ اسوسی ایشن کے عہدیداران اور شادی ہال کے ذمہ داروں کے ساتھ میٹنگ کا انعقاد ہوا۔

بھٹکل میں بارش کی وجہ سے 50ایکڑ سے زائد زرعی زمین برباد : دھان کی فصل پانی میں بہہ گئی

تعلقہ میں  سیلاب کے کم ہونے کے بعد بارش سےہونے والے نقصانات ظاہر ہونےلگے ہیں۔ موسلا دھار بارش اور طوفانی ہواؤں سے گرنے والے گھروں کی مرمت و درستی ایک طرف تو  کیچڑ میں تبدیل ہوئی زرعی زمین اور فصل کی بربادی دوسری دکھ بھری کہانی سنارہی ہیں۔

بنگلورو: نشے میں دھت شخص نے فٹ پاتھ پر 7 لوگوں کو کچل دیا

شراب کے نشے میں دھت ایک شخص نے بہت تیز رفتار کار فٹ پاتھ پر چڑھا دی اور فٹ پاتھ پر چل رہے 7 افراد اس کار کی زد میں آ گئے۔ زخمیوں کو فوراً اسپتال پہنچایا گیا اور خبر لکھے جانے تک ان لوگوں کی حلات نازک بنی ہوئی ہے۔ یہ واقعہ بینگلورو کے ایچ ایس آر لے آؤٹ علاقے کا ہے۔

سناتن سنستھا کی شائع کردہ کتاب نے ملزموں کو ایم ایم کلبرگی کے قتل پر اکسایاتھا۔ایس آئی ٹی نے کیا اپنی چارج شیٹ میں دعویٰ

تقریباً چار سال قبل مبینہ طور پر ہندوتوا وادی شدت پسندوں نے مصنف اور دانشور ایم ایم کلبرگی کاجو قتل کیا تھا اس کی تحقیقات کرنے والی خصوصی ٹیم (ایس آئی ٹی) نے چارج شیٹ داخل کردی ہے جس میں کہا گیا ہے کہ جس ملزم نے صحافی و دانشور گوری لنکیش کے گھر تک قاتل کو اپنی موٹر بائک پر پہنچایا ...

امیت شاہ کی ہری جھنڈی۔ریاستی کابینی میں منگل کو توسیع

ریاستی وزیراعلیٰ بی ایس ایڈی یورپا نے آج شام دہلی میں مرکزی وزیر برائے داخلہ امیت شاہ سے ملاقات کی۔ امیت شاہ نے آخر کار ریاستی کابینہ میں پہلے مرحلہ کی توسیع کے لئے گرین سگنل دے دیا ہے۔ پہلے مرحلہ میں 11تا13وزراء کو کابینہ میں شامل کیاجائے گا۔

دہشت گردانہ حملے کا خطرہ۔ ساحلی کرناٹکا سمیت پوری ریاست میں ہائی الرٹ جاری۔ منگلورو میں ایک لاڈج سے 9مشتبہ افراد گرفتار

ملک کی خفیہ ایجنسی نے کشمیر میں دستور کی دفعہ 370aاور ریاست خصوصی درجہ دینے والی دفعہ ہٹائے جانے کے خلاف ملک کے اہم مقامات پر دہشت گردانہ حملے کا اندیشہ ظاہر کیا ہے، جس کے بعد پوری ریاست کے اہم شہروں میں ہائی الرٹ جاری کیا گیا ہے۔

مکہ مکرمہ: خانہ کعبہ کا غلاف ’کِسوہ‘ کیا گیا تبدیل

ہر سال کی طرح اس بار بھی 9 ذی الحجہ کے موقع پر خانہِ کعبہ کا غلاف ’کِسوہ‘ تبدیل کردیا گیا۔ حرمین شریفین کے امور کے سربراہِ عام شیخ عبدالرحمن السدیس کے زیر نگرانی میں جمعہ اور ہفتے کی درمیانی شب ہونے والے اس عمل میں 160 متعلقہ اہل کاروں نے حصہ لیا۔

تم زمین والوں پر رحم کرو، اللہ تم پر رحم فرمائے گا، خطبۂ حج میں امام کعبہ کا پیغام

مفتی اعظم و امام کعبہ نےمسجد نمرہ میں خطبہ حج کے دوران اس قول رسولؐ کو دہرایا کہ تم زمین والوں پر رحم کرو اللہ تم پر رحم فرمائے گا۔ بظاہر عالمی حالات کے پس منظر میں انہوں نے اللہ کی رحمت سے مایوس نہ ہونے پر زور دیتے ہوئے کہا کہ اللہ نے تمام مسلمانوں کو آپس میں ایک دوسرے کا بھائی ...

مناسک حج کا آغاز لبیک اللھم لبیک کے ورد کے ساتھ فرزندان توحید منیٰ میں خیمہ زن، وقوف عرفہ آج

”لبیک اللہم لبیک“ کے ورد کے ساتھ جمعہ کی علی الصباح سے مناسک حج کا آغاز ہوگیا-مناسکِ حج کے پہلے دن جمعہ کو لاکھوں کی تعداد میں عازمین مکہ مکرمہ سے 8 کلومیٹر دور مِنیٰ پہنچ چکے ہیں -

بھٹکل کے علما و ذمہ داران کی دعاوں سے دبئی کے قریبی شہر عجمان میں کھلاڑیوں کے ملبوسات کے شوروم کا خوبصورت افتتاح

قریبی شہر عجمان میں بھٹکل کے نوجوان  عبدالباسط صوبیدار  کے  اسپورٹس وئیر کے شوروم کا گذشتہ روز خوبصورت افتتاح بھٹکل کے علماء و ذمہ داران کی دعاوں کے ساتھ کیا گیا ۔ شوروم میں  اسپورٹس کے کپڑوں کے ساتھ ساتھ   بچوں  کے کپڑوں سمیت خواتین کی اعلیٰ کوالٹی اور خوبصورت ڈیزائن کی ...

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...