بھٹکل:اول تادہم سرکاری کنڑا میڈیم اسکول میں تعلیم حاصل کرنےو الی طالبہ کا ایم بی بی ایس میں مفت داخلہ
بھٹکل:7/ اکتوبر (ایس اؤنیوز)اول جماعت سے دہم جماعت تک سرکاری اسکول میں کنڑا میڈیم کے ذریعے تعلیم حاصل کرنے والی بیلکے سرکاری ہائی اسکول کی طالبہ شیلپا ٹی نائک نے سال 2017 کے نیٹ NEET-2017کے میڈیکل اہلیتی امتحان میں امتیازی نمبرات سے کامیابی حاصل کی ہے۔
جس کے نتیجے میں شیلپا نائک کو ریاست کے گدگ ضلع میں واقع سرکاری میڈیکل کالج میں ایم بی بی ایس کے سال اول میں داخلہ پانے میں کامیاب ہوئی ہے۔ شیلپا نائک بھٹکل کے سدھارتھ پی یوکالج سے پی یو دوم سائنس کی طالبہ ہیں۔ طالبہ کی بہترین کارکردگی پر بیلکے ہائی اسکول کے اساتذہ ، سدھارتھ کالج کی انتظامیہ اور لکچرردیگر تعلیمی ماہرین نے مبارکبادی پیش کی ہے۔
