بھٹکل  :23/اکتوبر(ایس او نیوز) سماج میں بے شمار باصلاحیت والے موجود ہیں، ان کی صحیح رہنمائی اور حوصلہ افزائی بہت ضرور ی ہونے کا خیال کمٹہ تعلقہ اسپتال کے میڈیکل افسر ڈاکٹر پانڈورنگا آر دیواڑیگا نے ظاہرکیا۔

وہ یہاں تعلقہ کے بینگرے دیواڑیگاہال میں اترکنڑا ضلع دیواڑیگا سماج ملازمین سنگھ کے زیر اہتمام قابل و با صلاحیت والوں  کی عزت افزائی کرتے ہوئے انہیں ایوارڈ سے نوازنے کے لئے منعقدہ پروگرام کا افتتاح کرنے کے بعد وہ خطاب کررہے تھے۔ انہوں نے بتایا کہ دیواڑیگاسماج میں ملازمین کی تعداد کم ہے ، اس کے باوجود سنگھ قائم کرکے تعلیمی  فنڈ کے ذریعے سماج کے باصلاحیت نوجوان لڑکے لڑکیوں کی مدد کرنا قابل ستائش ہے۔ آئند ہ دنوں میں غریبوں اور اپاہجوں کو بھی سنگھ کی طرف سے تعاون دینے کا اعتماد ظاہر کیا۔ اترکنڑا ضلع دیواڑیگا سماج کے صدر نارائن جی دوڈمنی نے صدارت کی ۔ مہمان خصوصی کے طورپر بینگرے گرام پنچایت کے صدر وینکٹیا بھئیرومنے ، سرسی تعلقہ پنچایت کے نائب صدرچندرودیواڑیگا،بھٹکل تعلقہ پنچایت اسٹانڈنگ کمیٹی چیرمن وشنو دیواڑیگا،  ہوناور جنپر ہوراٹ سمیتی کے صدر جگدیپ تنگیری ، ماوین کوروے بیلنی مندر کے اعزازی صدر گنپتی درگیا دیواڑیگا موجود تھے۔ کملاکر کوٹدمکی نے استقبال کیا تو سنگھ کے سکریٹری کرشنادیواڑیگا نے رپورٹ کی خواندگی کی۔ مختلف میدانوں میں اپنے جوہر دکھانے والوں ، عوامی نمائندوں ، موظف ملازمین کی پروگرام میں تہنیت کی گئی ۔