بھارت بند: اڈپی میں مزدور یونین اور بس ڈرائیور کے درمیان زبانی جھڑپ۔منگلورو میں ملا جلا اثر۔شمالی کرناٹکا میں مکمل بند

Source: S.O. News Service | By Shahid Mukhtesar | Published on 8th January 2019, 12:52 PM | ساحلی خبریں | ریاستی خبریں |

اڈپی 8؍جنوری (ایس او نیوز)مرکزی حکومت کے خلاف دو دنوں تک بھارت بند منانے کے اعلان کرنے والی مزدور یونین کے اراکین اور بس ڈرائیوروں کے درمیان اڈپی میں زبانی جھڑپ ہونے کی اطلاع ملی ہے۔

موصولہ رپورٹ کے مطابق آٹو رکشا سڑکوں پر دوڑتے ہوئے دیکھ کر بس ڈرائیوروں اور کنڈکٹروں نے اعتراض جتایااور ہڑتالی مزدور یونین کارکنان کے ساتھ ان کی جھڑپ ہوگئی۔ موقع پر شہری پولیس کے علاوہ کرناٹکا ریزرو پولیس کے دستے بھی تعینات کردئے گئے ہیں۔

منگلورو سے ملنے والی خبروں میں بتایا گیا ہے کہ وہاں پر ملا جلا ردعمل دیکھنے کو ملا ہے اور حالات پوری طرح پرامن ہیں۔آٹو رکشا ، ٹیکسی کے علاوہ کچھ نجی اور سرکاری بسیں بھی سڑکوں پر دوڑتی ہوئی پائی گئی ہیں۔جبکہ اس سے پہلے اعلان کیا گیا تھا کہ آٹو رکشا والے ہڑتال میں شامل رہیں گے۔احتیاطی طور پر ڈپٹی کمشنروں کی طرف سے دی گئی ہدایت کے مطابق منگلورو، اڈپی اور ضلع شمالی کینرا میں تمام تعلیمی اداروں میں ایک دن کی چھٹی چل رہی ہے۔کاسرگوڈ کیرالہ کی طرف جانے والی بسیں بند ہیں کیونکہ وہاں مکمل بند منایاجارہا ہے۔منگلورو کی ماہی گیر ی بندر گاہ میں روزمرہ کے معمول کے مطابق کاروبار جاری ہے۔

بتایا جاتا ہے کہ بنگلورو میں بھی ملا جلا ردعمل دیکھنے کو ملا ہے جبکہ شمالی کرناٹکا کے ہبلی، وجیا پورا، کلبرگی ،بلاری یادگیر جیسے علاقوں میں کاروبار اور ٹریفک بند ہے ۔ سڑکیں سنسان پڑی ہوئی ہیں اورہڑتال پوری طرح کامیاب رہی ہے۔

کیرالہ کے تھیرواننت پورم میں ٹریڈ یونین کے کارکنان نے کئی مقامات پر ٹرین روک کر احتجاجی مظاہرہ کیا۔کرناٹکا کے مختلف شہروں میں ہوٹل اور سنیما گھر کھلے ہوئے ہیں، لیکن عوام کی آمد ورفت نہ ہونے سے ہر طرف سناٹا چھایا ہواہے۔

کسی بھی ناخوشگوار واقعے اور تصادم کو روکنے کے لئے ریاستی پولیس نے حفاظتی بندوبست سخت کردیا ہے۔

ایک نظر اس پر بھی

بھٹکل کے اپاہج بچوں کی سنیہا خصوصی اسکول میں مشروم(البے) کی کاشت: اخراجات نبھانے کےلئے اسکول کا انوکھا طریقہ

گزشتہ بیس برس زائد عرصہ سے اپاہج بچوں کی نگرانی و تربیت کرنےوالی کوگتی کی سنیہا خصوصی اسکول اخراجات کو  برداشت نہ کرتے ہوئے اس کی بھرپائی کے لئے  راستہ تلاش کرتے ہوئے  اسکول کے اساتذہ کے ساتھ اسکول میں مشروم( البے)کی فصل اگاتے ہوئے حل ڈھونڈنے کی کوشش کی ہے۔

بھٹکل سے گزرنے والی قومی شاہراہ پر حادثات کو روکنے کے لئے افسران کا معائنہ : ضروری جگہوں پر اسپیڈ بریکر

قومی شاہراہ پر آئے دن ہونےوالے حادثات میں  اضافہ ہوتاجارہاہے۔ اس پر روک لگانے کے لئے  اترکنڑا ڈپٹی کمشنر کی طرف سے جاری کردہ ہدایات کےمطابق پولس افسران اور نیشنل ہائی وے اتھارٹی انجنئیر نے قومی شاہراہ کے خصوصی مقامات کا معائنہ کیا اور اس سلسلےمیں  اٹھائے جانے والےا قدامات کے ...

بنٹوال میں ایمبولینس اور ٹرک کا تصادم۔ 1خاتون ہلاک، 4زخمی    

نیرلکٹے کے پاس پیش آنے والے ٹرک اور ایمبولینس کے تصادم میں ایک خاتون موقع پر ہی ہلاک ہوگئے جبکہ ایمبولینس میں موجود مریض سمیت دیگر 4افراد زخمی ہوگئے ہیں، جنہیں علاج کے لئے پتور کے سرکاری اسپتال میں داخل کیا گیا ہے۔

مفرورمنصورخان کاایک اورویڈیو 24 گھنٹے میں ہندوستان واپسی کاوعدہ!

لوگوں کو کروڑوں روپئے کا دھوکہ دینے والی پونزی کمپنی آئی ایم اے کے بانی وایم ڈی محمد منصور خان کیا واقعی 24 گھنٹوں میں ہندوستان واپس لوٹ آئیں گے؟ جبکہ اس گھپلے کی جانچ کررہی ایس آئی ٹی نے یہ دعویٰ کیا ہے کہ منورخان کا پاسپورٹ انٹرپول کے ذریعہ کالعدم قرار دیا گیا ہے -